Ŋikiru. 11:6 - Ebaibul

⁶ Ecakakini iŋes neni a ŋulu aronok ŋatotol ŋuna eriraete ka ibore ŋini erirae ŋini enyaritae Sulpa. Isicani Ekapolon ikes a ekuwuam a ŋolo amwanan pe;

Ŋikiru. 11:6 Iomraidhean Croise

Akisy. 19:24

Totiyau Akuj sulpa ka akim alokidiama ikwa akiru lotaunio ŋulu a Sodoma ka Gomora;

Akisy. 43:34

Ani ekorakinio ikes akimuj alomesa a Yosepu, alal ŋina akorakinitae Benjamin nooi adeparit etyae ŋina akorakinitae ŋituŋa ŋuluce arae ŋina etya ŋina a ŋituŋa a ŋikan. Apotu ikes kimuja ka tomata, tolakaros kaapei ka iŋes.

Yob 18:10

Elokakinitae auno kwap pa etakani aŋuna kec, elokakinitae atawuatat lorot aŋuna kec.

Yob 18:15

Emam ibore idoŋit nakais kec; ecunyakin neni sek iboiyoto ikes a ibore a ŋini erirae nooi a ŋini enyaritae Sulupa.

Yob 20:23

Iakuuni Akuj neni kec ŋiman ŋulu ka anyunyura keŋ, ido tobuku neni kec ŋakisicaneta ŋuna adedeŋak.

Ŋikiru. 105:32

Abu Akuj kiyakik ikes akiru ŋina arae ŋakako bon, toyakaun akimilyaa nakwap kec daadaŋ.

Ŋikiru. 16:5

Iyoŋ bon Ekapolon ayakar ayoŋ, iyoŋ ikiinanakini ayoŋ ibore daadaŋ ŋini acamit; nakan kon eyai akiyar kaŋ.

Ŋikiru. 18:13

Abu daŋ Ekapolon kirworik anakuj, ido aponi kiirarae etoil a Akuj a ŋina alokidiama nooi.

Ŋikiru. 32:10

Elalak ŋican a ŋituŋa a ŋulu aronok, nai emina ka eiunit Ekapolon ŋulu ikinyomito iŋes.

Ŋikiru. 75:8

Eŋoit Ekapolon, eŋoit iŋes nooi, eakik iŋes anyunyura keŋ neni a ŋulu aronok; esunyuak iŋes aŋoit keŋ daadaŋ neni kec.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 51:22

Alimu Ekapolon kus ŋolo etiron, Akuj kus ŋina eji aŋuna ka aiun ŋituŋa keŋ ebe, “Kiirasi, alema ayoŋ aneni kus ŋican ŋulu ikisiteriterete iyes, nyekesicani nabo ayoŋ iyes ananyunyura kaŋ.

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Esek. 13:13

Aŋun, irworo Ekapolon Akuj ebe, ‘Ananyunyura kaŋ etukutuni ayoŋ ekuwuam ka anaŋoit kaŋ, eyakaun akiru ŋina alalan ka ŋakako ŋuna eritakinete arwatata ŋin.

Esek. 38:22

Esicani ayoŋ Gog a edeke ka etaari ŋimoe, eakikini iŋes akiru ŋina aryenyaanan, ŋakako ka akim ta ibore ŋini amwanan pe ŋini enyaritae Sulpa tonom iŋes ka ŋasigarya keŋ ta ŋituŋa a ŋakwapin a ŋuna alalak a ŋuna erukito ka iŋes.

Abak. 2:16

Iyes daŋ ekaku, ikiboŋokinete ŋileec akilo akitopolooro. Imasete iyes ŋikulepek ŋun kiteritereonor. Ikitamasi Ekapolon iyes aronis kus a ŋikulepek, ido kilocokinoe akitopolooro kus make toruworos ŋicaryo.

Luk. 17:29

Nai akoloŋit ŋina arotokinio Lot alo Sodoma, totiyaun akim ka Sulpa alokidiama ikwa akiru, tomunya ŋituŋa ŋuluce daadaŋ.

Yoa. 18:11

Tolimok Yesu Petero tema, “Kinyakak atum kon nakuraro! Itami iyoŋ atemar nyamasi ayoŋ ekopo ŋolo a ŋican ŋolo akainaki ayoŋ Papa kaŋ lo a?”

1 Sam. 1:4

Apaki daadaŋ ŋina edolio akoloŋit ŋina einakinia Elkana amuronot keŋ, ainanakini Elkana aberu keŋ Penina akiriŋ adio ka ainanakini daŋ ŋidwe keŋ daadaŋ ŋulusapa ka ŋulupesur etya ŋinapei a toto kec.

1 Sam. 9:23

Tolimok Samuel ekepon tema, “Yau akiriŋ ŋina takae akainit ayoŋ iyoŋ, ŋina abala ayoŋ iyoŋ toseta nawae.”