Ŋikiru. 11:4 - Ebaibul

⁴ Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Ŋikiru. 11:4 Iomraidhean Croise

1 Ŋakiro a ŋirwa 17:5

Ameun akoloŋit ŋina ayaunia ayoŋ Ŋisirael alo Ijipit, nyeyakauna ayoŋ Kai tari nakoloŋit na. Arae ca loeema ayai ayoŋ, akisyakin anakibois ka apei a ŋina ipotu iyes toloma tari ŋinace.

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Yob 24:23

Einanakini Akuj ikes akiboi emam ŋace, ido iŋarakinitae ikes; nai ite Akuj ŋuna itiyaete ikes.

Ŋikiru. 103:19

Ewuak Ekapolon nakuj erae neni ipukator iŋes; iŋes erae ekepukan a daadaŋ.

Ŋikiru. 113:5

Ŋae ikwaan ke Ekapolon Akuj yok, ŋina ipukat alokidiama nooi,

Ŋikiru. 139:23

Toripiripae ayoŋ, okoe Akuj, ido toyenu ŋuna eya lotau kaŋ; kikatakinae ayoŋ, ido toyenu ŋatameta kaŋ.

Ŋikiru. 14:2

Iteunit Ekapolon alokidiama kwap neni a ŋituŋa, akiŋolikin erae keya ŋidi ŋulu eosok, ŋulu ilipete neni keŋ.

Ŋikiru. 18:6

Abu ayoŋ alocan kaŋ onyara Ekapolon, abu ekalou neni ka Akuj kaŋ akiŋarakino, Abu Akuj alo Kai keŋ kiira etoil kaŋ, abu iŋes kiira akigworo kaŋ.

Ŋikiru. 2:4

Ejamuwarit Ekapolon ŋolo eyai kidiama ikes, isicoŋakini Ekapolon ikes anakiro a ŋuna etukete ikes a ŋunacaryo.

Ŋikiru. 33:13

Iŋoliunit Ekapolon kwap anakuj; ite ŋituŋa daadaŋ.

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋikiru. 66:7

Ipukat iŋes anapedor keŋ ŋikaru ka ŋikaru, ite iŋes ŋakwapin, nyemaikina ŋulu eŋerito iŋes kiturokinos.

Ŋikiru. 9:11

Kipuro a ŋieosyo Ekapolon ŋolo ipukat alo Sion; kiserakisi lotuŋa a ŋakwapin ŋuna adau iŋes akitiya;

Ŋakit. 15:3

Ite Ekapolon ŋuna itiyao a ŋinakibois a daadaŋ, ite Ekapolon ŋuna itiyao iwon, kerae ŋuna aronok, kori ŋuna ajokak.

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 23:24

Ataŋae epedorete akiŋop anakiboisyo a ŋuna imunono ikotere nyeŋolik ayoŋ ikes? Nyayai mono ayoŋ nakuj ka nakwap a?

Mika 1:2

Kiirasi ŋakiro nu iyes ŋituŋa daadaŋ; topupokisi ŋakiro nu, iyes ŋulu iboiyete anakwap a daadaŋ. Elimori Ekapolon ŋolo Etiron ŋuna ikisitakinitor iyes. Irworo iŋes alo Kai keŋ anakuj.

Abak. 2:20

Eyai Ekapolon Kai keŋ ŋina asegan; emaikina ŋituŋa daadaŋ anakwap kililiŋa alokiŋaren keŋ.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Mat. 23:21

ituŋanan daŋ ŋini ikoŋi elimit Akai ka Akuj, ekoŋ iŋes Akai ŋin ka ekoŋ daŋ Akuj ŋina iboi a nen.

Mat. 5:34

Nai akalimokini ayoŋ iyes atemar, nyikoŋ jik; nyikoŋ nakuj, anerae erae neni ipukator Akuj.

Ŋitic. 7:49

‘Erae nakuj ekicoloŋ kaŋ ka erae akwap neni ecakit ayoŋ. Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Akis. 4:2

Ŋinapeipaki abu apedor ŋina ke Etau a ŋolo Asegan min neni kaŋ. Ayai nakuj ekicoloŋ ŋolo eboiyo ituŋanan ice.