Ŋikiru. 109:27 - Ebaibul

²⁷ Kimyek ŋimoe kaŋ toyenut atemar erae apedor kon etiyakinotor ŋun, ka erae iyoŋ okoe Ekapolon itiya ŋun.

Ŋikiru. 109:27 Iomraidhean Croise

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Neem. 6:16

Tosodi ani iirarete ŋimoe kosi daadaŋ atemar erikakin isua akiduk arwatata, apotu ŋituŋa a ŋakwapin daadaŋ ŋulu eboiyete alodiyete kosi tokuryaketa, tojoŋoto akituro, anerae apotu ikes toyenut atemar erikakin etic ŋol aŋuna ka akiŋarakinet ka Akuj.

Yob 37:7

Apaki ŋin, itojoŋoe iŋes ŋituŋa akitiya kiboikinos nakais, ikotere toyenut ŋituŋa daadaŋ ŋuna itiyae Akuj.

Ŋikiru. 126:2

Ikipotu isua olakaros, oeoto ŋieosyo ŋulu ka alelyanu. Apotu nai ŋituŋa a ŋakwapin a ŋunace temasi, “Etiya Ekapolon ŋakiro ŋuna apolok nooi aŋuna a ŋituŋa keŋ.”

Awos. 8:19

Temasi ŋikekukujak neni a Parao, “Akuj etiya ŋakiro nu a akan keŋ!” Nai abu Parao torubak itogogoŋit akou keŋ, abu nyepupok ŋakiro ata Moses ka abu kitiya lopite ŋolo sek alimunitor Ekapolon.

Ŋitic. 4:16

Kiŋitas ikes make temasi, “Ikikokini iwon ŋikilyok lu ai? Eyenete ŋituŋa daadaŋ alo Yerusalem atemar etiyata ikes akujuwuanut ileere ka nyikipedori iwon akipeg ŋun.