Ŋikiru. 109:22 - Ebaibul

²² anerae arae ayoŋ ŋolo a ŋican ka ŋolo ayakar akiitanit, ido eyaloloŋiyo etau kaŋ.

Ŋikiru. 109:22 Iomraidhean Croise

2 Ŋirw. 4:27

Ani edoluni iŋes lomoru Karimel neni ayai Elisa, totunakin iŋes nakejen ke Elisa. Kikomaiya Geasi ecamit akijukar iŋes aneni ke Elisa. Nai abu Elisa tolimok Geasi tema, “Toesik iŋes bon; anerae etakani esibit eyakasi ŋakiro ŋuna eriebete iŋes ŋuna nyelimokina Ekapolon ayoŋ. Mam ŋakiro akalimoki Ekapolon ayoŋ aŋuna keŋ.”

Yob 6:4

Eketeryamu Akuj ayoŋ aryeba ikwa ituŋanan ŋini egumitae a ŋikaleŋeleŋe, ido elelebun nakiyar kaŋ akisorit ŋina aaran, eketubul ayoŋ Akuj aŋuna a ŋican a ŋulu alalak a ŋulu ekeyakik iŋes ayoŋ.

Ŋikiru. 102:4

Apapanu ayoŋ, ikikwaanikin ka ŋinya ŋulu ainiyasi; adaun ayoŋ ekimue ŋolo ka akimuj.

Ŋikiru. 109:16

anerae abu ekile ŋol nyetamu akitoodiun arimao, nai abu kisican ka toar ŋikulyak ka ŋulu eyakatar akiitanit ta ŋulu eyaloloŋiyosi alocan kec.

Ŋikiru. 22:6

Aŋun nyeriŋa ayoŋ atakani alotuŋa arae ituŋanan, nai atakani asibit ekurut; eketeete ŋituŋa ŋuluce ayoŋ arae ekoŋinait ka akajamuwarito ikes ayoŋ.

Ŋikiru. 25:16

Okoe Ekapolon, kiŋolikinae ayoŋ itorimak, anerae akasiliki ayoŋ, ido aryamu ŋican.

Ŋikiru. 40:17

Ani eruworayoŋ, arae ekulyakit ka ekaŋican, elipi Ekapolon okotamunite ayoŋ, irae iyoŋ ekeŋarakinan kaŋ ka ekalakunan kaŋ; okoe Akuj kaŋ nyidid abunore akiŋarakin ayoŋ.

Ŋikiru. 86:1

Okoe Ekapolon, topupokinae ayoŋ, ido toboŋokinoe ayoŋ, anerae arae ayoŋ ŋolo a ŋican ka ayakar akiitanit,

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Mat. 8:20

Toboŋok Yesu iŋes tema, “Eyakatar ŋikweei ŋaduyon ka eyakatar ŋikyeny ŋakais; nai emam Lokoku a Ituŋanan neni kieŋunet.”

Luk. 22:44

Kilip iŋes imukekinit toryeba nooi alotau, kikokis ŋakinyinyir keŋ edoete kwap ŋaokot.]

Yoa. 12:27

“Eryeba ekaatau iyaloloŋi nooi. Okoe, atemari ayoŋ ai? Atemari, Papa toiunae ayoŋ anapaki a na a? Nai arae aŋuna ka apaki a na abunio ayoŋ, ikotere onaikinia ŋican ŋulu ka apaki a na.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.