Ŋikiru. 107:5 - Ebaibul

⁵ Abu akoro ka akure tonyam ikes, apotu ikes topapanut.

Ŋikiru. 107:5 Iomraidhean Croise

2 Sam. 17:29

Yaut ikes akimyet ka ao, akimyet, ŋamesekin ka elabo ŋolo a ŋakile a ŋaatuk, inakis Daudi ka ŋirukitos keŋ kimuja. Etiyaete ŋul ŋun, anerae apotu temasi, “Eupit ŋituŋa ka enyamit akoro ka akure ŋina atubunotor analoŋisat.”

Awos. 16:3

temasi neni kec, “Kerae bo paaran ikiarite isua Ekapolon anakwap a Ijipit daŋ! Ikiboi isua a nen ikinyami akiriŋ ka akimuj ca daadaŋ ŋina ikicamit, nai ikiyaut iyes isua naloŋisat na akitaar akoro ŋituŋa lu daadaŋ totwaka.”

Awos. 17:3

Tonyam akure ŋituŋa a nen nooi, kiŋuruŋura neni a Moses. Kiŋita Moses temasi, “Kaanukiro ikitipeunio iyoŋ isua alo Ijipit akitaar isua ka ŋidwe kosi ta ŋibaren kosi akure?”

Isa. 44:12

Elemuni eketyakan ŋasuwa asuwat kiwuak nakim, ido kityek asuwat ŋin a enyondo, toŋirik a agogoŋu keŋ akitiyaun ibore ŋini ecamit iŋes akityekun. Ani enyami akoro iŋes, ido todaun agogoŋu keŋ ka ŋakipi ŋuna emasi, ilelenyi iŋes.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Aum. 2:19

Tonyoutu, kigworonokisi Ekapolon akuwar kia, toboŋonokisi akigworonokin Ekapolon nakwaare, tolimokisi Ekapolon ŋakiro daadaŋ ŋuna eya lotai kus, kilipa neni keŋ ikyaarito ŋakan aŋuna a ŋidwe kus a ŋulu iridete alorotin a daadaŋ aŋuna ka akoro.