Ŋikiru. 107:40 - Ebaibul

⁴⁰ abu Ekapolon toŋoik ŋikapolok kec, kituruwo ikes ŋikerimitok analoŋisat aneni amam erot.

Ŋikiru. 107:40 Iomraidhean Croise

1 Ŋirw. 21:19

Tolimok iŋes ebe, ‘Ebala Ekapolon, idau ba iyoŋ akiar Nabos ka ituruwo emanikor keŋ ŋolo kon?’ Tolimok iŋes ebe, ‘Ebala Ekapolon, emeyete ŋiŋokwo ŋaokot kon anakibois a ŋina ameyoto ŋaokot a Nabos.’ ”

Yob 12:21

Ebukununui Akuj aŋoit keŋ neni a ŋikagogoŋok, elemanari agogoŋu aneni a ŋikagogoŋok.

Yob 12:24

Elemanari Akuj ayenut aneni a ŋikarikok a ŋituŋa anakwap, kimyek ikes irimito anariet pa eyenete neni itorete.

Ŋikiru. 107:4

Apotu ŋice kirimo analoŋisat aneni amam neni kitoro, nyeryamut erot ŋolo elosi lotaun neni epedoryata akiboiyo.

Ŋikiru. 78:66

Abu Akuj tobwaŋ ŋimoe keŋ toboŋosi, abu kiteryamu ikes ŋileec ŋulu nyedaun.

Awos. 8:17

Apotu ata Moses kitiyata ŋun; abu Aron kikyaa akan keŋ etiŋit ebela keŋ, toram ŋalup topuruu apuwa ŋina abu toruwor ŋilac ŋulu apotu pena lotuŋa ka lobaren daŋ toruwor apuwa a akwap a Ijipit a daadaŋ ŋilac bon.

Awos. 8:24

Abu Ekapolon kitiya ŋun, toyakaun ŋicuc ŋulu alalak nooi kai a Parao ka nakais a ŋikapolok a ŋulu epukatotor iŋes, tomunaut ŋicuc akwap a Ijipit daadaŋ.

Awos. 8:3

Eburusiyarete ŋakidodoka aŋolol; epete tari kai kon ŋina ka apukan, epete tari nagule kon ka lokitaada kon. Epete tari nakais a ŋikapolok a ŋulu ipukatotor iyoŋ ka nakais ŋuna a ŋituŋa kon; epete tari lokenoi ka loboro ŋulu emunaere ŋakirya.

Awos. 8:4

Ikidokakinete iyoŋ ŋakidodoka ka edokakinete tari neni a ŋituŋa kon ka neni a ŋikapolok a ŋulu ipukatotor iyoŋ.”

Dan. 4:33

Ani iyookin ŋakiro ŋun atipei aneni a Nebukadinesar, aponi kiritarae iŋes alotuŋa a ŋuluce, abu tonyam ŋinya ikwa ŋaatuk, apotu ŋakopi ŋuna alokidiama kitopalala akuwan keŋ akitodol ŋina aoyakuniata ŋitim keŋ tobiut ŋakopir a egole, kikwaanikinos ŋimeeger keŋ ka ŋimoyo a ŋikyeny.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

Ŋikis. 32:10

Abu kitan ikes analoŋisat a ŋina asilon ka a ŋinacaryoit, abu toiu ikes ka kidar ikes, lopite ŋolo iyokitor iŋes ecopot a akoŋu keŋ.

Akis. 19:18

Potu, tonyama ŋawat a ŋirwosi, a ŋikapolok a ŋasigarya ka ŋasigarya, akiriŋ a ŋaŋolei ka ŋawat a ŋikametok kec, ŋawat a ŋituŋa daadaŋ, ŋuna a ŋipi ka ŋuna a ŋulu nyerae ŋipi, ŋuna a ŋulu arwok ka ŋuna a ŋulu caryo!”

Ŋikat. 4:21

Nai abu Yael aberu a Eber tolemu asesit ŋina ke eema ka enyodo, toniemar ekililiŋat neni ayai Sisera ŋolo ajotoe nooi apaki ŋin aŋuna adounitor, kibubuk Yael asesit namateŋen a Sisera kiropo lowae ŋoloce todol tari nalup, totwan Sisera.

1 Sam. 5:9

Nai ekaku keyaut ikes Asaduku ŋin Gas, totiŋ Ekapolon ŋituŋa a Gas erono nooi, toyakaun ekabule nen ŋolo apolon nooi. Kisican Ekapolon ŋituŋa a etaun a ŋol, ŋulu cicik ka ŋulu emojoŋito, aŋun abu edeke ŋolo arae ŋabusyo min lotuŋa ŋul.

1 Sam. 6:4

Kiŋita Ŋipilistin ŋituŋa ŋul temasi, “Ani inakinet emaikina isua inakinae neni ka Akuj aŋuna ka ekaile a ŋolo ka asecit kosi?” Toboŋokis ikes temasi, “Yaasi ŋitorubei ŋikan ŋulu a egolid ŋulu ikwaan ka ŋabusyo ka ŋitorubei ŋikan ŋulu a ŋidooi ŋulu itiyaunitae a egolid, yaasi ŋul itiriyanito ke ekimar a ŋikapolok a Ŋipilistin; anerae ipotu iyes daadaŋ kaapei ka ŋikapolok todyakakinos edeke ŋol.