Ŋikiru. 107:34 - Ebaibul

³⁴ Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Ŋikiru. 107:34 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Akisy. 13:13

Nai aneni ke Ekapolon, aroko ka arae ŋikasecak nooi ŋikilyok ŋulu alo Sodoma.

Akisy. 14:3

Tocunakis ŋirwosi ŋulukan ŋul ŋajorei kec nakadipaalat ŋina a Sidim (iŋes Anam ŋina Atwan.)

Akisy. 4:12

Ani ŋina itaa iyoŋ ŋalup, nyitokokete ejok ŋikinyom ŋulu itae iyoŋ. Idokini iyoŋ nariyet, toruwor ekerimiton anakwap.”

Ŋikiru. 68:7

Okoe Akuj, ŋinibore ibunio iyoŋ kiŋarenik ŋituŋa kon, ŋinibore ibunio iyoŋ kitoryo kidiŋ aloŋisat,

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 5:25

Eriwo ŋasecisya kus ajokis ŋin aneni kus, alemasi ŋasecisya kus ajokis ŋin aneni kus,

Esek. 12:19

ido tolimok ŋituŋa ŋulu ka akwap kon atemar ŋakiro ŋuna irworo Ekapolon Akuj aŋuna a ŋituŋa a ŋulu iboiyete alo Yerusalem anakwap a Isirael ikes nu, ‘Enyamete ikes akimuj kec ekuryanito ka emasete ŋakipi kec ekadakinit, anerae elemaryo anakwap kec ibore daadaŋ aŋuna ka aryenyeo a ŋituŋa a daadaŋ a ŋulu iboiyete anakwap a ŋin.

Esek. 47:11

Nai ŋakipi ŋuna eyakasi lojiomya ŋulu eyakasi diyete anam ŋin ka nataparin ŋuna eyakasi diyete anam ŋin, imyekinio ŋakipi kec erae acumbi.