Ŋikiru. 107:32 - Ebaibul

³² Emaikina ikes kitopoloosi Ekapolon aneni ilipyata ŋituŋa, kipuro iŋes anatukot a ŋikasikou.

Ŋikiru. 107:32 Iomraidhean Croise

Ŋikiru. 111:1

Kipuroe Ekapolon! Alakar ayoŋ neni ke Ekapolon a etau kaŋ a daadaŋ, anatukot a ŋulu iyookino ka aneni ilipyata ŋituŋa.

Ŋikiru. 119:46

Alimori daŋ ayoŋ alokiŋaren ŋirwosi ŋakiro ŋuna itubunit iyoŋ, nyekerumete ayoŋ ŋileec;

Ŋikiru. 18:46

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ ŋina ka aiuno kaŋ.

Ŋikiru. 22:22

Alimokini ayoŋ ŋikaitotoi ka ŋakaitotoi kaŋ ŋuna itiya iyoŋ; ekepuri ayoŋ iyoŋ aneni ilipyata ŋituŋa.

Ŋikiru. 22:25

Iyoŋ ikiinakinit ayoŋ akipuro iyoŋ aneni ilipyata ŋituŋa. Esiyookini ayoŋ ŋakikoŋeta kaŋ alokiŋaren ŋulu ikitopoloorito iyoŋ.

Ŋikiru. 26:12

Aiuna ayoŋ alocan a daadaŋ; epuri ayoŋ Ekapolon aneni ilipyata ŋituŋa.

Ŋikiru. 35:18

Abuni nai ayoŋ alakar neni kon aneni ilipyata ŋituŋa kon; ekepuri ayoŋ iyoŋ anatukot a ŋituŋa a ŋina alalan.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 66:16

Potu kiirasi iyes daadaŋ ŋulu itopoloorito Akuj, ido akalimokini ayoŋ iyes ŋuna etiya Akuj neni kaŋ.

Ŋikiru. 99:5

Kipuro Ekapolon Akuj yok; kilipa neni ke Ekapolon alokiŋaren neni ipukator iŋes. Erae iŋes ŋolo Eseg!

Ŋikiru. 99:9

Kipuro Ekapolon Akuj yok, kilipa neni keŋ alomukura keŋ a ŋolo asegan, anerae erae Ekapolon Akuj yok ŋina asegan.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Isa. 12:4

Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.