Ŋikiru. 107:12 - Ebaibul

¹² Aŋun, abu Akuj inak ikes akitiya ŋiticisyo ŋulu apotu kisiyaloloŋiyosi ikes; apotu ikes kibusonokin, nai amam ŋini eŋarakinan ikes.

Ŋikiru. 107:12 Iomraidhean Croise

2 Ŋirw. 14:26

Etiyae Yeroboam ŋolo a ŋiarei ŋun, anerae abu Ekapolon kiŋolik atemar apipilu nooi ŋican a Ŋisirael a ŋulu arae ŋipi kaapei ka Ŋisirael ŋuluce daŋ. Amam ituŋanan tari ipei daŋ ŋini eŋarakinan ikes.

2 Ŋirw. 6:33

Ani eriŋa Elisa irworosi ka ŋikasikou, todolu erwosit, kirworik tema, “Ekapolon iŋes ayau ŋican lu! Anukiro tokona eriŋa ayoŋ egenor Ekapolon”

Neem. 9:37

Ŋirwosi ŋulu iwuak iyoŋ akipuka isua aŋuna a ŋasecisya kosi, ikes enyamete ŋaraito a akwap a na ŋuna alalak, ikipukato ikes isua ka isitiyaete ŋibaren ikwa ŋina ecamitotor, ido ikiya isua locan.”

Yob 9:13

“Erae iŋes Akuj ŋina nyejoŋoenene anyunyura, ijuuruyete alokwap keŋ tari ŋikeŋarakinitok a Raab.

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Ŋikiru. 22:11

Nyilwana aneni kaŋ, anerae eapiyete ŋican, ido mam ŋini ekeŋarakini ayoŋ.

Awos. 2:23

Kelunyar apaki ŋina aoyan, abu erwosit a Ijipit totwana. Apaki ŋin, aryebasi Ŋisirael aŋuna ka apitoonut, apotu ikes kikalout, ido anakigworo kec a ŋin, eitanito akiŋarakino ka abu akigworo kec todol neni ka Akuj.

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Isa. 52:5

Anukiro tokona etiyae ayoŋ a ne ete ŋituŋa kaŋ eyaaryo emam ŋuna esecito? Ejamuwarito ŋikepukak kec ikes ka a ŋinakoloŋit erubakinito ejamuwarito ekiro kaŋ.

Isa. 63:5

Abu ayoŋ oŋoleŋolek, nai nyeŋolik idiokeŋarakinan, abu okobul ayoŋ, anerae amam ituŋanan ayai nen akiŋarakin ayoŋ, aŋun, abu ayoŋ elou a apedor kaŋ a elope ka abu anyunyura kaŋ a elope eketurubak ayoŋ ayari.

Ŋikat. 16:21

Aŋun, kikamut Ŋipilistin Samuson, togoronosi ŋakonyen keŋ. Yaasi iŋes Gasa, toena iŋes a ŋiriko a ŋulu etiyaunitae a eburonis, inakinae akiryerea amoru a ŋinakiryeet alojera.

Ŋikat. 16:30

Tolimu Samuson tema, “Kimyekisi otwaka ayoŋ ka Ŋipilistin.” Kiketakin Samuson ka agogoŋu keŋ a daadaŋ toritakin akai, totik ŋikapolok a Ŋipilistin ka ŋituŋa daadaŋ ŋulu aya tooma akai ŋin. Aŋun, ŋituŋa ŋulu abu Samuson toar akoloŋit ŋina atwania iŋes alalak akilo ŋituŋa ŋulu abu iŋes toar apaki ŋina ayarya.