Ŋikiru. 106:41 - Ebaibul

⁴¹ Abu Akuj kipotok ikes napedor a ŋituŋa a ŋakwapin, ikotere ŋulu sek aremokino ikes ipukaete ikes.

Ŋikiru. 106:41 Iomraidhean Croise

2 Sam. 24:14

Toboŋok Daudi Gad tema, “Akaryebete ayoŋ ŋakiro nu nooi, emyekisi Ekapolon ikisican iwon, anerae epol nooi akisyon keŋ; nai nyeruwor ŋituŋa ikisicanete iwon.”

Esek. 16:27

Aŋun, abu ayoŋ ekesican iyoŋ, etiditeu akwap kon; ekepotok iyoŋ nacamit ŋina a ŋimoe kon, a ŋulu arae ŋiletok a Ŋipilistin. Aumokinito ŋimoe ŋul nooi aŋuna ka asiilyo a ŋina itiyae iyoŋ.

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 28:29

imudumudosi iyes naparan lopite ŋolo imudumudotor ŋimudukanotin, nai nyipedorete iyes aryamun neni kitoro, ido erubakinete ŋituŋa ikibolyatar iyes ka ikikokoyete, emam ituŋanan ŋini ikiŋarakini iyes.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikis. 28:48

a ŋakiro a ŋun, ipote iyes akitiyanakin ŋimoe kus ŋulu ebuni Ekapolon ikiyakuun akitijikin iyes, itiyanakinete iyes ikes ikinyamit akoro ka akure, ilerete ka imamukatar ibore idio. Ikisicani iyes Ekapolon tari ŋina ikimunyarya.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Ŋikat. 15:11

Tonyout nai ŋikilyok ŋulu a akwap a Yudaya ŋulu arae ekimar kec ŋalipyo ŋauni, totiyaaros kidiŋ ŋatabab ŋuna aya Etam, kiŋita ikes Samuson temasi, “Nyiyeni iyoŋ atemar erae Ŋipilistin ŋikepukak yok a? Anukiro nai itiya iyoŋ neni kosi?” Toboŋok Samuson tema, “Etiyat ayoŋ neni kec lopite ŋolo etiyatotor ikes neni kaŋ.”

Ŋikat. 2:14

Aŋun, abu Ekapolon toŋoik Ŋisirael, kimyek ŋikaŋatak ŋulu apotu toŋatasi ŋiboro kec, abu Ekapolon kipotok ikes neni a ŋimoe kec a ŋulu eboiyete alowaetin a akwap kec daadaŋ, ikotere nyepedosi nabo ikes akiloun ŋimoe kec.

Ŋikat. 3:12

Kitiyata nabo Ŋisirael ŋakiro ŋuna aronok alokiŋaren Ekapolon, tosodi Ekapolon kitogogoŋ erwosit Egilon ŋolo a Ŋimoabi, inak iŋes kilou Ŋisirael, anerae apotu Ŋisirael kitiyata ŋuna aronok alokiŋaren Ekapolon.

Ŋikat. 3:14

Aŋun, apotu Ŋisirael kitiyanakis erwosit Egilon ŋolo a Moab ŋikaru ŋitomon ka ŋikanikauni.

Ŋikat. 3:8

Aŋun, abu Ekapolon toŋoik Ŋisirael nooi, ido kipotok ikes neni a erwosit a Kusan-Risasaim ŋolo ka Aram-Naaraim; apotu Ŋisirael kitiyanakis Kusan-Risasaim ŋikaru ŋikanikauni.