Ŋikiru. 106:40 - Ebaibul

⁴⁰ Aŋun, abu Ekapolon toŋoik ŋituŋa keŋ, abu Ekapolon toŋer ŋituŋa keŋ.

Ŋikiru. 106:40 Iomraidhean Croise

1 Ŋirw. 11:25

Torubak Reson erae emoit ŋolo a Isirael ŋirwa daadaŋ ŋulu epukator Solomon, kican iŋes Solomon lopite ŋolo ecanitor Adad Solomon. Abu Reson kipuka Aram, torubak imanit Isirael.

Ŋikiru. 74:1

Okoe Akuj, kaanukiro ikiŋeryo iyoŋ isua ŋikaru ka ŋikaru? Ipedori mono iyoŋ aŋoikin ŋituŋa kon a alope ŋikaru ka ŋikaru a?

Yer. 12:7

“Aŋer ayoŋ ŋituŋa kaŋ, emyek ayoŋ ŋituŋa ŋulu apotu toruwor ŋulu kaŋ; epoto ayoŋ ŋituŋa ŋulu amina ayoŋ alotau kaŋ, ainak ikes napedor a ŋimoe kec.

Aum. 2:7

Aŋer Ekapolon Namuroet keŋ, emyek akibois keŋ ŋina asegan. Acamaki ŋimoe ebwaŋabwaŋaarete ŋarwatatain a ŋakais a ŋuna iboiyoto ŋirwosi, ecelasi ŋimoe alo Kai ke Ekapolon itoodiunito atemar adaut ikes akiloun, ecelasi lopite ŋolo sek ecelatar ŋituŋa apaki ŋina a ŋasuban.

Ŋilep. 20:23

Nyemaikina iyes kiwuapa ŋitalyo a ŋituŋa a ŋulu alosi ayoŋ akiritar alokiŋaren kus, anerae apotu ikes kitiyata ŋakiro ŋun daadaŋ, eketilyata ikes ayoŋ.

Ŋilep. 26:30

Amunaari ayoŋ neni ilipyata iyes alokidiama ŋimukur, amunaari ŋamuroeta ŋuna icunyata iyes ekinyate, atukokini ayoŋ ŋawat kus kidiama ŋitorubei a ŋakujo kus. Akaŋeri ayoŋ iyes.

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Ŋikis. 32:19

Abu Ekapolon kiŋolik ŋakiro ŋun, ido tolili, toŋer ŋidwe keŋ ŋulusapa ka ŋulupesur.

Ŋikis. 9:29

Erae ikes ŋituŋa ŋulu kon a elope ŋulu ibu iyoŋ iyau ka apedor kon a ŋina apolon ka agogoŋu kon.”

Ŋikat. 2:14

Aŋun, abu Ekapolon toŋoik Ŋisirael, kimyek ŋikaŋatak ŋulu apotu toŋatasi ŋiboro kec, abu Ekapolon kipotok ikes neni a ŋimoe kec a ŋulu eboiyete alowaetin a akwap kec daadaŋ, ikotere nyepedosi nabo ikes akiloun ŋimoe kec.

Ŋikat. 2:20

Aŋun, abu Ekapolon toŋoik ikes, tosodi tema, “Aŋuna aŋeryoto ŋituŋa lu acamunet kaŋ ŋina abu ayoŋ ecik atapapaa kec akiwuap ka aŋuna aŋeryoto akiwuap ŋakiro kaŋ,

Ŋikat. 3:8

Aŋun, abu Ekapolon toŋoik Ŋisirael nooi, ido kipotok ikes neni a erwosit a Kusan-Risasaim ŋolo ka Aram-Naaraim; apotu Ŋisirael kitiyanakis Kusan-Risasaim ŋikaru ŋikanikauni.