Ŋikiru. 104:32 - Ebaibul

³² Ani iŋolikini Ekapolon akwap, emaranikini akwap, ani etapi Ekapolon ŋimoru epuruunete.

Ŋikiru. 104:32 Iomraidhean Croise

Ŋikiru. 114:7

Emaikina iyoŋ akwap tomaranik ebuni Ekapolon, emaikina iyoŋ tomaranik ebuni Akuj a Yakob,

Ŋikiru. 144:5

Okoe Ekapolon, kimyek nakuj, bua kwap; totap ŋimoru ikotere epuruunete.

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 77:16

Okoe Akuj, apaki ŋina ibunio iyoŋ neni aya ŋakipi, apotu ŋakipi tomaranikis, abu kwap ŋakipi neni ecukul tomaranik.

Ŋikiru. 77:19

Abu erot kon kitor kidiŋ anam, abu erot kon kitor kidiŋ ŋakipi ŋuna alalak nooi; ido mam ituŋanan abu kiŋolik ŋikukus kon.

Awos. 19:18

Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon.

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Amos 8:8

Aŋakiro a ŋun, nyemaranikini mono akwap a? Nyikalounete mono ŋituŋa ŋulu iboiyete a nen a? Emini akuryanu lotuŋa a akwap, irimokinete ŋituŋa iwarito neni eiunotor.’

Abak. 3:10

Apotu ŋimoru tomaranikis ikiŋolikinete iyoŋ; apotu ŋakipi todout alo kidiama, apotu ŋakalele anauwata kisyakis arwore. Abu akoloŋ tojoŋo akica.

Akis. 19:3

Tocelut nabo temasi, “Alleluia! Elosi apuru ŋina ka arira a ŋina enyamuwari etaun ŋolo apolon nooi ŋol kidiama ŋikaru ka ŋikaru!”

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.