Ŋikiru. 103:21 - Ebaibul

²¹ Kipuro Ekapolon, iyes daadaŋ ŋajorei ŋuna anakuj, iyes ŋiketiyak ŋulu ke Ekapolon ŋulu itiyaete ŋuna ecamit iŋes.

Ŋikiru. 103:21 Iomraidhean Croise

Akisy. 32:2

ani iŋolikini Yakob ŋimalaikan tema, “Erae na ajore ŋina ka Akuj!” Aŋun, tolimok iŋes ekiro a akibois a ŋin Makanaim.

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

2 Ŋakiro a ŋirwa 18:18

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ aloteten ka alokedyeny keŋ.

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Ŋikiru. 104:4

Isitiyae iyoŋ ekuwuam alimorya ŋakiro kon; isitiyae iyoŋ akimilyaa akitoodiunia anyunyura kon.

Ŋikiru. 33:6

Abu Ekapolon tosub nakuj a akirot a ŋina alimuni iŋes. abu Ekapolon tosub ibore daadaŋ ŋini eyai kidiama a ŋakiro a ŋuna alimuni iŋes.

Ŋikiru. 68:17

Erae ŋagaari ŋuna ka Akuj ŋalipyo ka ŋalipyo; Abu Ekapolon alomoru Sinai nakibois keŋ ŋina asegan.

Mat. 13:41

Iyakuuni Lokoku a Ituŋanan ŋimalaikan keŋ, tocunakis ŋituŋa daadaŋ ŋulu iteseceneneete ŋuluce ka ŋikasecak daadaŋ,

Luk. 2:13

Ŋinapeipaki, bu asepic ŋina a ŋimalaikan anakuj, kimorikin ka emalaika ŋol, toeikis ipurosi Akuj ebasi,

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Yos. 5:14

Toboŋok ekile ŋol iŋes tema, “Meere ayoŋ epei alokidiŋ kus, kori emoit, nai ayoŋ arikit ŋasigarya a Ekapolon Akuj, abu tokona ayoŋ.” Toryedik nai Yosua kijuuru todol ereet kwap, kilip neni a ekile a ŋol, kiŋit tema, “Arae ayoŋ eketiyan kon Ekapolon, nyo icamit iyoŋ ayoŋ etiya?”