Ŋikiru. 101:2 - Ebaibul

² Acoikini ayoŋ anakiyar kaŋ akiboi pa eketoroniyaritae. Ori mono ibunio iyoŋ neni kaŋ? Eboi ayoŋ alokai kaŋ arae ŋolo emam ŋuna eketoroniyaritere.

Ŋikiru. 101:2 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

1 Ŋirw. 11:4

Ani edoli ŋikaru ŋulu amojoŋia Solomon, kituruwosi ŋaberu ŋun etau a Solomon ŋolo amina ŋakujo kec, tojamak etau a Solomon ainakina neni ke Ekapolon ka Akuj keŋ nyeminak lopite ŋolo sek aminar etau a Daudi a papa keŋ.

1 Ŋirw. 9:4

Nai iyoŋ Solomon ani kiwuap ŋakiro kaŋ lopite ŋolo ewuapitor papa kon Daudi a epeitau ka anakiyookino, ido kitiya ŋuna daadaŋ adau ayoŋ akicik iyoŋ, kiwuap ŋikisila kaŋ ka ŋuna atubunit ayoŋ,

2 Ŋakiro a ŋirwa 15:17

Nai abu Asa nyelema ŋaduketa alo Isirael ŋuna aya neni amukur ŋuna elipere ŋakujo. Kikote neni daŋ, ekinyomit Asa alotau keŋ Ekapolon alorwa a daadaŋ a ŋulu ka akiyar keŋ.

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Ŋikiru. 101:6

Aminakini ayoŋ ŋulu ikinyoma anakwap, ikotere ikes ikiboi ka ayoŋ; ŋini daadaŋ iboi pa itoronitae eruwor eketiyan kaŋ.

Ŋikiru. 119:106

Adau ayoŋ akikoŋ, ido etogogoŋ akikoŋet ŋin, atemar ewuapi ŋakiro ŋuna itubunit iyoŋ ŋun iyookino.

Ŋikiru. 119:115

Toloto aneni kaŋ, iyes ŋulu itiyaete aronis, ikotere ayoŋ ewuapi ŋakiciketa ka Akuj kaŋ!

Ŋikiru. 26:11

Nai ani eruwor ayoŋ, etiyae ŋuna iyookino; tolakunae ayoŋ, kisyoni ayoŋ.

Ŋikiru. 40:17

Ani eruworayoŋ, arae ekulyakit ka ekaŋican, elipi Ekapolon okotamunite ayoŋ, irae iyoŋ ekeŋarakinan kaŋ ka ekalakunan kaŋ; okoe Akuj kaŋ nyidid abunore akiŋarakin ayoŋ.

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Isa. 38:3

“Okoe Ekapolon, totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator ayoŋ neni kon ejok.” Kigwor Esekia nooi.

Ŋikis. 6:7

Tolimonokisi ikes neni a ŋidwe kus, kirworo ŋakiro ŋun neni kec alorerya kus ka aneni daadaŋ iyakaunosi iyes, kirworo ŋun apaki ŋina iperyoto ka ŋina ikyenyuniata.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

1 Sam. 22:14

Toboŋok Aimelek erwosit iŋita tema, “Ŋae aloketiyak kon a daadaŋ ikinyoma ikwa Daudi? Erae iŋes ekamuran kon erwosit, epolokinit daŋ iŋes ŋasigarya kon ka itopoloorito iŋes ŋituŋa a ekal kon.