Ŋikiru. 10:8 - Ebaibul

⁸ Iboiyonokin ikes iwadio alorerya adapit ŋuluce, earete ikes a nen ŋituŋa ŋulu emam ŋakiro itiyato, eŋoleŋoleete ikes a nen imukekinito aryamun ŋulu epalag.

Ŋikiru. 10:8 Iomraidhean Croise

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

Yob 24:14

Enyoununeete ŋikaarak apaki ŋina iryonunia akwap daadaŋ aŋuna ka akiar ikulyakit ka ŋini a ŋican, elosete ikes nakwaare ikwapei ŋikokolak.

Ŋikiru. 17:11

Ekewuapito ikes ayoŋ, ido adaut akirikaun, iwarito ikes aryamun apaki ŋinaaret ayoŋ oloma kwap.

Ŋikiru. 94:6

Earete ŋapuseru ka ŋituŋa ŋulu erae ŋigelae, earete ŋikokyok,

Ŋakit. 24:15

Nyiperi aiwadio idarit akirem ere a ituŋanan a ŋini iyookino esibit irae iyoŋ ituŋanan ŋini nyiwuapit ekisil. Nyitiyak ŋadi ŋuna ka aryenyeo nakibois ŋina iboiyoto ŋituŋa ŋulu iyookino;

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Abak. 3:14

Ibu iyoŋ toar ekarikon a ŋasigarya a ŋulu aronok a ŋikaleŋeleŋe keŋ pei, ekarikon ŋol ŋolo abu kipiripiriu ikwa ekuwuam akielar isua, abunit iŋes alelyani ecamit amunyar ŋulu a ŋican ŋulu aŋopito,

Luk. 10:1

Ekaku a ŋakiro a ŋun, toseu Ekapolon ŋicetuŋa ŋulu arae ŋatomonikanikaarei ka ŋiarei; kiyakiya a ŋiarerei kiŋareno lorerya ka nakwapin daadaŋ ŋuna eitanit iŋes akidol.

Luk. 8:1

Kedaun ŋakiro ŋun, kirimo Yesu lotaunio ka lorerya, akitatam Ŋakiro ŋuna Ajokak ŋuna ka Apukan ka Akuj. Torukito ka ŋulutomon ka ŋiarei;

Ŋikat. 9:25

Aŋuna etidiŋitotor ŋikapolok a Sekem Abimelek, apotu toloto adapit ŋituŋa alokidiama ŋikamukumukui. Todemanasi ikes ŋituŋa daadaŋ ŋulu etoreneneete nen ŋiboro kec, ido aponi nai tolimokinae Abimelek ŋakiro ŋun.

1 Sam. 22:18

Tosodi nai erwosit tema neni a Doeg, “Doeg, ape toar ŋisacaradotin.” Abu nai Doeg ŋolo arae Edomait tolot toar ŋisacaradotin. Toar Doeg akoloŋit ŋin ŋisacaradotin ŋatomonikanikauni ka ŋikan ŋulu anapito ŋarapeta ŋuna amilimilak.

1 Sam. 23:23

Toripa ŋakiboisyo daadaŋ toyenut neni eŋopenenea iŋes, ido toboŋut neni kaŋ iyakatar ŋakiro ŋuna a kire. Apedori nai ayoŋ arukor ka iyes; ani keriŋa iŋes eyai nen, ewari ayoŋ iŋes natekerin a Yudaya daadaŋ.”