Ŋikiru. 10:5 - Ebaibul

⁵ Eryamununeete ikes ibore ŋini ecamito ŋapakio daadaŋ, nyemisito ikes ŋikisila kon; ejamuwarito ikes ŋimoe kec daadaŋ.

Ŋikiru. 10:5 Iomraidhean Croise

Akisy. 6:12

Toanyu Akuj atemar aroketa ŋituŋa, anerae etiya ŋinituŋanan anakwap aronis.

2 Sam. 5:6

Toŋaasi erwosit ka ŋirukitos keŋ ajore, akirem Yerusalem, etaun a Ŋiyebusi a ŋituŋa a ŋulu arae ŋulu ka akwap a ŋin. Temasi Ŋiyebusi neni a Daudi, “Nyipedorete iyes alomun ne, epedorete tari ŋimudukanotin ka ŋikaŋwalak akibwaŋ iyes.” Atamete ikes ebe, “Nyepedori Daudi alomun lotaun yok.”

1 Ŋirw. 20:13

Apaki ŋin, bu ekadwaran neni ka Aab a erwosit a Isirael tema neni keŋ, “Ebala Ekapolon ebe, ‘Ite iyoŋ ŋasigarya ŋuna alalak nu a? Ekemyekini ayoŋ iyoŋ kilou ikes nakoloŋit na, ido iyenuni iyoŋ atemar arae ayoŋ Ekapolon.’ ”

Yob 24:23

Einanakini Akuj ikes akiboi emam ŋace, ido iŋarakinitae ikes; nai ite Akuj ŋuna itiyaete ikes.

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 73:3

anerae abu ayoŋ orakaan aŋuna a ŋulu eturok, apaki ŋina eŋolikinia ŋulu aronok emam ŋican eryamunito.

Ŋakit. 1:19

Erae ŋol epite ŋolo esaluniata daadaŋ ŋulu eyakatar ekibure ŋolo ka akidem ŋuluce ŋiboro kec; elemari ekibure ŋol akiyar a ŋulu eryamunete ekibure ŋolo ikoni nen.

Ŋakit. 15:24

Ilereete aneni a ŋulu iyookino ŋuna iwuapito ikes erae ŋuna einakinete ikes akiyar, ikotere ikes nyelot nakibois a ŋikatwak.

Ŋakit. 2:13

ŋulu eŋerito akiwuap ŋuna itiyaete ŋulu iyookino, ŋulu ebobokinit akitiya ŋuna nyiyookino.

Ŋakit. 2:15

erae ikes ŋulu nyiyookino ŋuna itiyaete ka erae ikes ŋulu nyiwuapito ŋuna ejokak.

Ŋakit. 24:1

Nyicamu eterekune eyakaun neni kon aŋuna a ŋulu aronok, kori ekibure ŋolo ka arukit ka ikes eyakaun neni kon,

Isa. 10:1

Ekaŋ iyes ŋulu iyeete ŋikisila ŋulu nyiyookino, iyes ŋulu igirete ŋakiro ŋuna isicanere ŋituŋa,

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Ŋirom. 3:16

Neni daadaŋ elosete ikes, inyasunete ido kidoŋo ŋican nen.

Ŋikat. 9:27

Toloto ŋituŋa a Sekem lomanikorin kec togerut ŋaraito a epiini, tocuut epiini ido kitiyata ŋasuban. Tosodi toloto kai ŋina ka akuj kec kimuja ka tomata, ido kirworo ejamuwarito Abimelek.

Ŋikat. 9:38

Tolimok nai Sebul Gaal tema, “Ai bo eyai akituro kon tokona? ibala sek iyoŋ ka aŋorot, ‘Ŋae erae Abimelek ŋolo emaikina isua kitiyanakinae? Meere mono ŋun ŋajorei ŋuna sek imenit iyoŋ a? Ape tokona kitijik ikes.’ ”