Ŋikiru. 10:4 - Ebaibul

⁴ Iturosi ŋulu aronok, mam ŋuna ke Ekapolon ŋuna iwarito ikes; emam ŋadi daŋ ŋuna ka Akuj anatameta kec a daadaŋ.

Ŋikiru. 10:4 Iomraidhean Croise

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Yob 22:17

Apotu ikes temasi neni ka Akuj, ‘Kimyekinae isua make. Anukiro mono epedori Akuj ŋina etiron akitiya aŋuna kosi?’

Ŋikiru. 101:5

Amunyari ayoŋ ŋituŋa daadaŋ ŋulu irworosi itoroniarito ŋuluce, nyacamuni ayoŋ arukit ka ŋulu itopolooro bon ka ŋulu eturok.

Ŋikiru. 18:27

Iiununi iyoŋ ŋituŋa ŋulu itiditeuna make, nai itiditeununui iyoŋ ŋulu iturosi.

Ŋikiru. 27:8

Ebala etau kaŋ neni kaŋ, “Bua, kilip neni ke Ekapolon!” Okoe Ekapolon elipi ayoŋ neni kon.

Ŋikiru. 36:1

Ani eseci ituŋanan, eyenuni alotau keŋ ŋuna itiyakini asecit neni keŋ; emam akitopoloorit Akuj anakiyar a ituŋanan a ŋin.

Ŋikiru. 53:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 73:11

Iŋitasi ŋulu aronok ebe, “Alipite eyenunia Akuj? Nyeyenuni Akuj ŋina eyai kidiama nooi ŋakiro yok.”

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Ŋakit. 21:4

Akitopolooro bon ka akituro, ŋakiro ŋuna itiyaete ŋituŋa ŋulu aronok, erae asecit.

Ŋakit. 30:13

Eyakasi ŋituŋa ŋulu etamete atemar ikijokak nooi, okoe etya ajokis ŋina etamete ikes atemar ikijokak ai!

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Ŋakit. 6:17

Ŋul ikes lu: Ŋituŋa ŋulu etakanete anakonyen kec itopolooro bon nooi, ŋituŋa ŋulu irworosi alyokonu, ŋituŋa ŋulu earete ŋituŋa ŋulu emam aronis itiyato,

Ekal. 8:11

Aŋuna nyisicanere atipei ituŋanan ŋini itiyae aronis, eyai lotai a ŋituŋa atenit akitiya aronis.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 3:9

Elimorit epite ŋolo etakaniata ŋireetin kec aremokino kec Ekapolon, iseraete ikes asecit kec lopite ŋolo etiyaata ŋituŋa a Sodoma nyimunonito ikes asecit kec. Aca kec! Ayaut ikes ŋilam neni kec.

Isa. 59:7

Nyeayeneneete ikes apaki ŋina aoyan akitiya aronis, iburiburete ikes atipei akiar ituŋanan ŋini nyesecit; erae ŋatameta kec ŋatameta ŋuna ka asecit, imyenakinete ikes ŋinyas ka amunyaro aneni daadaŋ itorete ikes.

Isa. 65:2

Ŋapakio daadaŋ, abu ayoŋ ebaki ŋakan kaŋ neni a ŋituŋa a ŋulu akaŋerito ayoŋ; a ŋulu nyiwuapito ŋipitesyo ŋulu ajokak; a ŋulu iwuapito ŋuna kec a ŋilopeyek,

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Mar. 7:21

Anerae alotooma ŋitai a ŋituŋa elomunete ŋatameta ŋuna aronok, adoteu, akoko, akiar,

Ŋitic. 8:22

Aŋun, toki nai aronis kon na, kilip neni ke Ekapolon atemar ani kepedor, kisyoni iŋes ŋuna eya lotau kon.

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋiep. 2:12

Apaki ŋin, pa iyenete iyes Kristo. Iraakasi iyes ŋigelaanotin, nabo pa iraakasi iyes ŋipei ka ŋituŋa ŋulu seuna ŋulu ka Akuj. Pa ikimarakinitae iyes Nacamuneta ŋuna esileereunito ŋakiikineta ŋuna ka Akuj neni a ŋituŋa keŋ, ido iboiyete iyes anakwap a na emam akigeno ka emam ayenut Akuj.

Ŋikis. 8:14

nyiturokinosi aŋun, ikimuryak Ekapolon Akuj kus, ŋina ikiyauni iyes anakwap a Ijipit a ŋina iraakatar iyes ŋipi,