Ŋikiru. 10:17 - Ebaibul

¹⁷ Okoe Ekapolon, iira iyoŋ akiitanit a ŋituŋa kon a ŋulu itiditeuna make. Isimukekini iyoŋ ŋitai kec, ipupokini iyoŋ ŋakiro kec.

Ŋikiru. 10:17 Iomraidhean Croise

1 Ŋakiro a ŋirwa 29:18

Okoe Ekapolon Akuj atapapaa kosi: Aburaam ka Isaka ta Isirael, kiturubak acamit na alotai a ŋituŋa kon ŋikaru ka ŋikaru, kiturubak ŋitai kec ikitopoloorito iyoŋ.

2 Ŋakiro a ŋirwa 29:36

Apotu nai Esekia ka ŋituŋa daadaŋ tolelyana a ŋakiro a ŋuna abu Akuj kitiya aŋuna a ŋituŋa keŋ, anerae aponi kitiyae etal ŋol anapaki a ŋina auruwuana.

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

2 Ŋakiro a ŋirwa 34:27

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Ŋikiru. 102:17

Iirari iŋes akilip a ŋulu a ŋican, ido nyejamuwari akilip kec.

Ŋikiru. 145:19

Isiyoonokini iŋes akiitanit a ŋulu itopoloorito iŋes; iiranari akigworo kec, eiununui ikes.

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Ŋikiru. 37:4

Kikinyoma Ekapolon, ido ikiinakini iŋes iyes ŋuna iitanito ŋitai kus.

Ŋikiru. 9:12

anerae isicani Akuj ŋinituŋanan ŋini isicani ŋituŋa keŋ; nyimuryakini iŋes akigworo kec.

Ŋikiru. 9:18

Nai etamunit Akuj ikes ŋulu a ŋican jwi jwi, nyedaun akigeno a ŋikulyak aneni ka Akuj ŋikaru ka ŋikaru.

Ŋakit. 10:24

Ebuni neni a ŋulu aronok ibore ŋini ekerito ikes, nai einakinio ŋulu iyookino ibore ŋini iitanito ikes.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 16:1

Erae ayere ŋakiro alotau atametait ŋina a ituŋanan, nai Ekapolon iŋes eboŋokini ŋakiro ŋuna irworo ituŋanan.

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Ŋirom. 8:26

Ikwaŋinapei ikiŋarakinitor akigeno ŋin iwon, ebuneene Etau ŋolo ka Akuj daŋ akiŋarakin iwon, ŋulu ikipalag nooi. Anerae nyikiyeni iwon epite ŋolo itemokino elipyata; nai erae Etau ilipit Akuj aŋuna yok, alotooma aryeba elimit ŋakiro ŋuna nyikipedori iwon alimun.

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋiep. 3:12

Alotooma akimorikina ka Kristo ka aŋuna ka anupit yok neni keŋ, ikipedori iwon aponare neni ka Akuj emam akuryanu ka ikiyakar akikinyomit.

Yak. 4:10

Kitiditeunos alokiŋaren Ekapolon, ido ikitopoloori iŋes iyes.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Pet. 3:12

Anerae iteete ŋakonyen ke Ekapolon ŋulu iyookino ka epupete ŋaki keŋ ŋakilipeta kec; nai enyorididi ereet ke Ekapolon ite ŋulu itiyaete ŋuna aronok.”

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”