Ŋikiru. 1:4 - Ebaibul

⁴ Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

Ŋikiru. 1:4 Iomraidhean Croise

Yob 21:18

Ŋarwa ŋayai eryamunitotor ikes ŋican lopite ielielya ekuwuam ŋanya? Kori lopite ŋolo ekutarya ekuwuam ŋolo ekusi nooi ŋamilo?

Yob 8:13

Erae ŋol epite ŋolo eyakaunotor ŋituŋa ŋulu nyikinyomito Akuj; edaun akigeno a ŋituŋa a ŋulu nyikinyomito Akuj.

Ŋikiru. 35:5

Kimyek ikes kielarae lopite ŋolo ielarya ekuwuam ŋamilo, kimyek emalaika kirit ikes tomunya.

Ŋikiru. 37:36

Ani etoruni ayoŋ neni sek aya ŋulu aronok, abu ayoŋ nyeŋolik tari epei daŋ, abu ayoŋ ewar ikes nai abu nyaryamu jik.

Isa. 17:13

Irurumaete ŋituŋa a ŋakwapin lopite ŋolo irurumaata ŋakipi ŋuna alalak, nai ikilakini Ekapolon ŋituŋa ŋul, ido toema neni alwanan nooi, iritaryo ikes lopite ŋolo ekutarya ekuwuam ŋamilo alokidiama ŋimoru ka lopite ŋolo ipiripirya apuwa alokuwuam.

Isa. 29:5

Nai ielaryo ŋimoe kus ŋulu alalak, kielar ikwa apuwa, ielaryo ŋiryenyaanotin lopite ŋolo ielarotor ŋamilo alokuwuam. Atipei anapaki a ŋina euruwuana,

Yer. 13:24

Ekeelari ayoŋ iyes lopite ŋolo ekutarya ekuwam ŋikabinin analoŋisat.

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”