Ŋikat. 9:57 - Ebaibul

⁵⁷ abu daŋ Akuj kimyek aronis a ŋituŋa a Sekem toboŋok ikes pei, apotu ŋilam a Yosam alokoku a Yerubaal pena neni kec.

Ŋikat. 9:57 Iomraidhean Croise

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

1 Ŋirw. 16:34

Alorwa a ŋulu epukator iŋes, abu Kiel ŋolo alo Besel todukok Yeriko, todukok akisyakinet ŋina ka arwatata etacit kan Abiram lokoku keŋ ŋolo kiyae, ido tosipok ŋipukei etacit kan Segub lokoku keŋ ŋolo ŋororit, lopite ŋolo alimunitere anakirot ke Ekapolon aŋina alimuni Yosua a lokoku a Nun.

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

Ŋikiru. 7:17

Alakar ayoŋ neni ke Ekapolon aŋuna ka akiyookino keŋ, ido aeikini ayoŋ ŋieosyo ŋulu ka akipuro neni ke Ekapolon a ŋolo alokidiama nooi.

Ŋikiru. 94:23

Isicani Akuj ikes aŋuna a ŋasecisya kec, emunyari Akuj ikes aŋuna ka aronis kec; emunyari Ekapolon Akuj yok ikes.

Ŋakit. 5:22

Ikamununeete ŋasecisya a ŋulu aronok ŋituŋa ŋul, iduponor ikes aloticisyo a ŋulu ka asecit kec.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Yos. 6:26

Apaki ŋin, abu Yosua kikoŋ tema, “Icenen alokiŋaren Akuj ituŋanan ŋini ikatakini akiduk etaun lo ŋolo a Yeriko. Ani kedukoki akisyakinet, etaci a ikiyae keŋ; ani kedukoki ŋikekya, etaci a iŋoorit keŋ.”

Ŋikat. 1:7

Kirworik ekapolon a Besek tema, “Ayakar koloŋ ayoŋ ŋirwosi ŋatomonikanikaarei ŋulu atubonorosi ŋimoyo a ŋakan kec ŋulu apolok ka ŋimoyo a ŋakejen kec ŋulu apolok, ido edepete ŋirwosi ŋul ŋarare alokwap emesa kaŋ. Etiya Akuj neni kaŋ ŋuna abu ayoŋ etiya neni a ŋuluce.” Aponi nai yaarae ekapolon a Besek Yerusalem, ido totwan a nen.

Ŋikat. 10:1

Ekaku ka Abimelek bu Tola lokoku a Pua a ŋolo arae lokoku a Dodo toiu Ŋisirael, arae iŋes ekile ŋolo abunit alokabila a ŋituŋa a Isakar. Eboi iŋes alo Samir anakwap a ŋina a ŋikamukumukui a ŋina a Epuraim.

Ŋikat. 9:20

Nai ani pa kitiyato ŋun, emaikina atwanare togeu aneni ka Abimelek tomunya ŋikapolok ŋulu a Sekem ka ŋulu a Bes-Milo ka emaikina atwanare togeu alokapolok a Sekem ka ŋulu a Bes-Milo toar Abimelek.”

Ŋikat. 9:24

Apotu ŋun kitiyakinos ikotere inyaŋaryo aronis ŋina keponi kitiyae neni a ŋidwe a ŋulusapa a ŋulu Yerubaal a ŋulutomonikanikaarei ka amaikina ŋaokot kec toruwor nakou alokaato kec Abimelek a ŋolo aari ikes ka neni a ŋikapolok a Sekem a ŋulu apotu kisimukekis iŋes akiar ŋikaitotoi keŋ.

Ŋikat. 9:45

Kitiji Abimelek ŋituŋa ŋulu aya lotaun, ya ejie apaaran daadaŋ, ekaku kikama iŋes etaun, toar ŋituŋa daadaŋ ŋulu aya tooma etaun, kiryenya ŋaduketa a etaun daadaŋ tari ŋina alapatunia; tosodi tobukok acumbi nen.

Ŋikat. 9:56

Epite ŋol iŋes abunio Akuj kinyaŋarya aronis ŋina abu Abimelek kitiya neni a papa keŋ aŋuna aarya ŋikaitotoi keŋ ŋulutomonikanikaarei,