Ŋikat. 9:45 - Ebaibul

⁴⁵ Kitiji Abimelek ŋituŋa ŋulu aya lotaun, ya ejie apaaran daadaŋ, ekaku kikama iŋes etaun, toar ŋituŋa daadaŋ ŋulu aya tooma etaun, kiryenya ŋaduketa a etaun daadaŋ tari ŋina alapatunia; tosodi tobukok acumbi nen.

Ŋikat. 9:45 Iomraidhean Croise

1 Ŋirw. 12:25

Abu Yeroboam toduk etaun Sekem, nakwap a Epuraim ŋina a ŋikamukumukui, toruwor neni eboiyo iŋes nen, kedau akiduk nen, abu tolot toduk Penuel.

2 Ŋirw. 3:25

Kinyasut Ŋisirael ŋitaunio daadaŋ. Ani neni daadaŋ ajok akitare, abu ŋinituŋanan tocakaki nen amoru apei, akitodol ŋina aruworor neni itao ŋamoru bon. Ŋicowae daadaŋ aponi togoloi ka toyeparae ŋikito daadaŋ ŋulu episitae. Neni anyaritae Kiriareses iŋes bon edoŋito ŋarwatatain ŋuna adukitoe a ŋamoru ewuasi akitodol ŋina erikauniata ŋikajiok ŋulu a ŋacutae neni daŋ kinyasut.

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Esek. 47:11

Nai ŋakipi ŋuna eyakasi lojiomya ŋulu eyakasi diyete anam ŋin ka nataparin ŋuna eyakasi diyete anam ŋin, imyekinio ŋakipi kec erae acumbi.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Ŋikat. 9:44

Abu Abimelek ka ŋikilyok ŋulu arukitotor iŋes toema kiŋaren, towua alopuke a ŋolo ke etaun, tosodo ŋajorei ŋunace ŋunaarei kipumakin lotuŋa daadaŋ ŋulu aya lomanikorin, toara ikes daadaŋ.