Ŋikat. 9:27 - Ebaibul

²⁷ Toloto ŋituŋa a Sekem lomanikorin kec togerut ŋaraito a epiini, tocuut epiini ido kitiyata ŋasuban. Tosodi toloto kai ŋina ka akuj kec kimuja ka tomata, ido kirworo ejamuwarito Abimelek.

Ŋikat. 9:27 Iomraidhean Croise

Ŋikiru. 109:17

Amina iŋes akicen, emaikina ŋicen ŋul pena neni keŋ pe; pa acamit iŋes akiterereŋ; emaikina ŋarereŋisyo toekasi aneni keŋ.

Awos. 32:19

Adolun Moses diyete alomari bon, kiŋolik etorube a itaok ewoi ka kiŋolik ŋituŋa idoŋaete, toŋo Moses nooi, tonomosi ŋun iŋes etau, kimasa ŋamoru ŋunadapal ŋun, tobwaŋak nakeju a emoru.

Awos. 32:6

Aŋun, apotu ŋituŋa tonyout taparacu sek akoloŋit ŋina atupakini ŋin, yaut ŋainakineta kec ŋuna apeyo ka ŋamuronisya ŋuna ke ekisil. Kiboikinos ŋituŋa nen kimuja ka tomata, ido tonyout tobolyata.

Yer. 25:30

“Aŋun, idwari iyoŋ neni kec ŋakiro nu daadaŋ, ido tolimok ikes ebe, ‘Egirokini Ekapolon alokidiama ka irworikini anakibois keŋ a ŋina asegan, egirokini iŋes nooi imanit ŋituŋa keŋ, eceluni lopite ŋolo ecelatar ŋituŋa ŋulu ecuyete epiini, eceluni imanit ŋituŋa ŋulu iboiyete anakwap.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Ŋilep. 24:11

Abu ekile ŋol, lokoku ka Asiraelit nyitopoloo ekiro ke Ekapolon anakilamanar; aŋun, aponi iŋes yaunae neni a Moses. (Arae ekiro a toto keŋ Selomis, nakoku a Dibiri a ŋolo alokabila a Dan.)

Ŋikat. 16:23

Tocunakinos nai ŋikapolok a Ŋipilistin ainakin amuronot neni a akuj kec a ŋina anyaritae Dagon ka ikotere elelyanete, anerae abasi ikes, “Adau akuj yok akipotokin emoit yok Samuson napedor yok.”

Ŋikat. 8:33

Atwanare Gideon bon, toboŋokis nabo Ŋisirael akilip neni ata Baal, kituruwosi Baal-Beris akuj kec.

Ŋikat. 9:26

Apaki ŋin tolot Gaal lokoku ka Ebed Sekem kaapei ka ŋiyeneta keŋ, apotu ŋikapolok a Sekem kikinyoma iŋes.

Ŋikat. 9:4

Inakis ikes iŋes Ŋisilipae ŋatomonikanikaarei alokai ka akuj a ŋina anyaritae Baal-Beris. Abu Abimelek kisitiya esilipa ŋol akipaŋgaunia ŋikilyok ŋulucaryo ŋulu apotu toruworos ŋirukitos keŋ.

Ŋikat. 9:46

Ani iirarete ŋikapolok a Sekem ŋulu eboiyete anaduketait a ŋina aoyan a ŋina a etaun, apotu ikes tolomasi naduketait ŋinajiet ŋina a akai akuj El-Beris.

1 Sam. 17:43

Kiŋit Epilistait ŋol Daudi tema, “Arae mono ayoŋ eŋok ibunit iyoŋ neni kaŋ a ŋibelae a?” Togatak Epilistait ŋol Daudi ŋuna aronok, elimit ŋakujo keŋ.