Ŋikat. 8:30 - Ebaibul

³⁰ Apaki ŋin ayakar Gideon ŋidwe ŋulusapa ŋatomonikanikaarei, ŋulu auruuni iŋes elope anerae ayakar iŋes ŋaberu ŋuna alalak.

Ŋikat. 8:30 Iomraidhean Croise

Akisy. 2:24

Aŋakiro aŋun, eesikini ekile papa keŋ ka toto keŋ, tosodi kimorikinos ka aberu keŋ; toruworos ikes apeikuwan.

Akisy. 46:26

Ekimar a ŋituŋa a ekal a Yakob a ŋulu arukorete ka iŋes Ijipit pa imarakinitae ŋaberu a ŋidwe keŋ, arae daadaŋ ŋatomonikanikapei ka ŋikanikapei.

Akisy. 7:7

Tolomasi Noa ka aberu keŋ ka ŋidwe keŋ ŋulusapa ta ŋaterak keŋ nataker, ikotere eiunotor anakalele.

1 Ŋirw. 11:3

Ayakar Solomon ŋaberu ŋamiae ŋakanikaarei ŋuna auritae alokalya a ŋirwosi ka ŋace ŋamiae ŋauni ŋuna pa eitit; apotu ŋaberu keŋ ŋun kibatasi etau a Solomon.

2 Ŋirw. 10:1

Arae ŋidwe ka Aab ŋulusapa ŋatomonikanikaarei, eboiyete ikes alo Samaria. Kigir Yeu abaruwa kiyakiya Samaria lokapolok ŋulu alotaun Yesireel ka lokasikou ta lotuŋa ŋulu arae ŋikawoikinitok atalokoku ke erwosit Aab. Egiritae abaruwa ebala,

Awos. 1:5

Arae ekimar a ŋiletok a Yakob daadaŋ ŋatomonikanikaarei. Aris Yosepu apaki ŋin keberar Ijipit.

Mal. 2:15

Pa mono abu Akuj ikituruwo iyoŋ ka iŋes akuwan apei ke etau epei a? Kaanukiro ikituruworya iŋes iyes ŋipei? Arae aŋuna acamitor Akuj iyes touruut ŋidwe ŋulu itopoloorit iŋes. Aŋun, toripiripas make, ido nyemaikina idio alokidiŋ kus eesikini akikinyomit aberu keŋ ŋina abu iŋes kiit eriŋa erae esorokit.

Ŋikis. 17:17

Nyemaikina daŋ erwosit kus toryamu ŋaberu ŋuna alalak, acepaki epedori etau keŋ akibatar. Nabo daŋ, nyemaikina iŋes kirira aŋuna keŋ esilipa ka egolid ŋolo alalan.

Ŋikat. 10:4

Ayakar Yair ŋidwe ŋulusapa ŋatomoniuni ŋulu adokito ŋisigirya ŋatomoniuni. Ayakatar ikes ŋitaunio ŋatomoniuni ŋulu aya Gilead, tari nakoloŋit na enyaritae ikes ŋitaunio a Yair.

Ŋikat. 12:14

Ayakar iŋes ŋidwe ŋulusapa ŋatomoniomwon ka ŋipapae ŋatomoniuni ŋulu adokito ŋisigirya ŋatomonikanikaarei. Abu Abidon toruwor ekatubon ŋakiro alo Isirael ŋikaru ŋikanikauni.

Ŋikat. 12:9

Ayakar Ibisan ŋidwe ŋulusapa ŋatomoniuni. Abu iŋes inak ŋidwe keŋ ŋulupesur kiita ŋikilyok ŋulu pa arae ŋulu ka ateker keŋ, abu iŋes kiitu ŋaberu anatekerin a ŋunagelae aŋuna a ŋidwe keŋ a ŋulusapa. Abu Ibisan toruwor ekatubon ŋakiro alo Isirael ŋikaru ŋikanikaarei.

Ŋikat. 8:31

Abu aberu keŋ daŋ ŋina pa eisitae ŋina eboi alo Sekem kidou ikoku ŋinisapat, tolimok ekiro Abimelek.

Ŋikat. 9:1

Abu Abimelek lokoku a Yerubaal tolot Sekem neni a ŋiyeneta a toto keŋ, tolimok ikes ka ŋituŋa daadaŋ ŋulu a ateker a toto keŋ tema,

Ŋikat. 9:18

Nai nakoloŋit na iremokinosi iyes ŋituŋa a ekal a papa kaŋ ka iara ŋidwe keŋ ŋulusapa, ŋulutomonikanikaarei alokidiama ataaba apei, ido ituruwosi Abimelek, lokoku aberu a papa kaŋ a ŋina arae apito, erwosit ŋolo epolokinit ŋikapolok daadaŋ alo Sekem, anerae erae iŋes eyenet kus.

Ŋikat. 9:2

“Kiŋita ŋikapolok a ŋituŋa a Sekem daadaŋ ebe, ‘Nyaanu ŋuna ejokak aneni kus; icamito ikipukata iyes ŋidwe a Yerubaal daadaŋ ŋulutomonikanikaarei, kori icamito iyes ikipuka ipeituŋanan bon?’ Toyenete daŋ atemar arae ayoŋ ŋini kus lokoku kus.”

Ŋikat. 9:5

Abu nai Abimeleki tolot lore a papa keŋ Opura, toar ŋikaipapae keŋ, ŋidwe ŋulusapa ŋulu a Yerubaal; toar Abimelek ŋikilyok ŋatomonikanikaarei alokidiama ataaba apei, nai abu Yosam, lokoku a Yerubaal ŋoloŋoorit toiun, anerae aponi kiwae ikotere Abimelek nyear.