Ŋikat. 7:8 - Ebaibul

⁸ Aŋun, abu Gideon kijau aneni a ŋikilyok a ŋulu aboŋorete lorerya ŋitwol ŋulu a ŋakipi ka ŋamomwar a ŋimesekin, tosodi tolimok ikes daadaŋ toboŋosi lorerya kec, nai kidoŋo ŋikilyok ŋulu arae ŋamiae ŋauni. Ayai neni eboiyoto Ŋimidian nakadipaalat, toyai Gideon ka ŋirukitos keŋ nenimukur.

Ŋikat. 7:8 Iomraidhean Croise

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Ŋilep. 23:24

“Tolimok Ŋisirael ebe, ‘Ani edoli ŋirwa ke elap epei, elap ŋolo a ŋikanikaarei, emaikina iyes kieŋut akoloŋit ŋin, tocunakinos iwapei irae ŋulu asegak, tokuta ŋarupepe itamunito ŋasuban a akoloŋit a ŋin.

Ŋilep. 25:9

Ani edaun ŋul, edoli ŋirwa ŋitomon, elap ŋolo a ŋikanikaarei, akoloŋit ŋina itiyaere amooki, emaikina iyes tokutakis ŋabureryaŋae a ŋimeesekin anakwap kus a daadaŋ.

Ekim. 10:9

Ani ilosete iyes lojie anakwap kus, akitijikin ŋimoe ŋulu ikitijikinete iyes, iramakinete iyes eli ikusete ŋarupepe, ikotere ikitamuni iyes Ekapolon Akuj kus, ido itoiu alomoe kus.

Yos. 6:20

Tokutakis nai ŋisacaradotin ŋamomwar a ŋimeesekin. Ŋinapei eiraryata ŋituŋa eruye a ŋamomwar a ŋimeesekin, tocelut kiworout nooi, tosodi arwatata toritakin kwap. Toemaros ŋituŋa tooma etaun aneni daadaŋ aya ikes, kikamasi etaun daadaŋ.

Yos. 6:4

Ecamitae ŋisacaradotin ŋikanikaarei kiŋarenikis Asaduku ŋina ka Acamunet etiŋito ŋamomwar a ŋimeesekin ŋakanikaarei. Ani edoli akoloŋit ŋina a ŋakanikaarei, itemokino iyoŋ kirimokis ka ŋasigarya kon etaun ŋakirimokinet ŋakanikaarei, tokusete ŋisacaradotin ŋamomwar a ŋimeesekin.

Ŋikat. 3:27

Ani edoli iŋes Seira, tokutak arupepe anakwap a ŋina a ŋikamukumukui a ŋina a Epuraim, apotu nai Ŋisirael totiyaaros kaapei ka iŋes anakwap a ŋina a ŋikamukumukui, iŋarenikinit Eud ikes.

Ŋikat. 6:33

Apotu nai Ŋimidian daadaŋ ka Ŋiamaleki ta ŋituŋa ŋulu alo Kide, tocunakinos todoka aŋolol Yorodan toloma nakadipaalat ŋina Yesireel.

Ŋikat. 7:7

Tolimok Ekapolon Gideon tema, “Akaiuni ayoŋ iyes ka akainakini iyoŋ kilou Ŋimidian irukito ka ŋikilyok ŋamiae ŋauni ŋulu apotu tomata ŋakipi ilwakilwakete. Kimyek ŋikilyok ŋuluce daadaŋ toboŋosi lorerya kec.”

Ŋikat. 7:9

Akoloŋit ŋinapei ŋin nakwaare, abu Ekapolon tolimok Gideon tema, “Tonyou, tolot kitijik Ŋimidian anakibois kec, anerae adau ayoŋ akipotokin ikes napedor kon.