Ŋikat. 7:15 - Ebaibul

¹⁵ Kedau Gideon akiirar ŋakiro ŋuna erujat Emidianait ŋolo a Midian ŋol ka akisileerekinet a akirujaet a ŋin, abu iŋes toryedik kilip, toboŋo neni eboiyoto Ŋisirael, ido tolimok ikes tema, “Tonyoutu, anerae adau Ekapolon akipotokin ajore a Ŋimidian napedor kus.”

Ŋikat. 7:15 Iomraidhean Croise

Akisy. 24:48

A nen, abu ayoŋ ejuuru elip neni ke Ekapolon, olakar neni ke Ekapolon a ŋolo erae Akuj a ekapolon kaŋ Aburaam, Akuj ŋina abu eketenu ayoŋ eyoun neni ka apese a ŋina erae nakoku a eyenet a ekapolon kaŋ, ikotere ayai iŋes toruwor aberu a lokoku a ekapolon kaŋ.

Akisy. 40:8

Toboŋokis ikes temasi, “Irujatae isua, ido mam ituŋanan ikisileerekini isua apolou a ŋakiro a ŋuna irujatae.” Tema Yosepu neni kec, “Meere mono Akuj epedori akisileerekin apolou a ŋakiro a ŋuna irujatae a? Tolimokinae ayoŋ ŋakiro ŋuna irujato iyes.”

Akisy. 41:11

Ikipotu ayoŋ ka ŋolo akaenitere erujata apeikoloŋit nakwaare, kirujae isua ŋakiro ŋuna pa ekwaan apolou kec.

Ŋikat. 3:28

Tolimok Eud Ŋisirael tema, “Kiwuapakinae ayoŋ, anerae adau Ekapolon akipotokin napedor kus ŋimoe kus Ŋimoabi.” Aŋun, toloto Ŋisirael totiyaaros a nen kiwuapakis Eud, kikamasi ŋidoketa a aŋolol Yorodan ŋulu sek adokeneneeta Ŋimoabi, nyimyekis idiotuŋanan edokari ekekwaye aŋolol.

Ŋikat. 4:14

Tolimok Debora Barak tema, “Ape, anerae erae na akoloŋit ŋina ipotokinio Ekapolon Sisera napedor kon. Kire jik, ikiŋarenikini iyoŋ Ekapolon.” Aŋun abu Barak totiyaun alomoru Tabor ka ŋikilyok ŋulu ajiok ŋalipyo ŋatomon ŋulu ewuapito iŋes.

Ŋikat. 7:11

ikotere kiirasi ŋakiro ŋuna irworosi ikes, ekaku ititinyior iyoŋ ka icamuni alosit akitijikin ikes anakibois kec.” Aŋun, abu Gideon totiyaaros kaapei ka eketiyan keŋ Pura diyete neni eboiyoto ŋajorei a Ŋimidian.

Ŋikat. 7:14

Toboŋok erukitos keŋ tema, “Meere ŋun icebore nai erae ekileŋ a Gideon a Esiraelit a ŋolo erae lokoku a Yoas; adau Ekapolon akipotokin Ŋimidian ka ŋajorei kec daadaŋ napedor keŋ.”

Ŋikat. 7:16

Totyak nai Gideon ŋirukitos keŋ ŋulu arae ŋamiae ŋauni toruworos ŋajorei ŋauni, tokorak ikes daadaŋ ŋamomwar a ŋimesekin ka ŋitwol ŋulu amam ibore ayai ka ŋagilae ŋuna ewuakinitae lotwol.

Ŋikat. 8:7

Toboŋok Gideon ikes tema, “Ejok! Ani kedau Ekapolon akipotokin Seba ka Salimuna napedor kaŋ, ekebuŋae ayoŋ iyes a ŋalita a ŋuna eya ŋikukwa a ŋuna elemunitae analoŋisat.”

1 Sam. 1:28

Aŋun, ainakini tokona ayoŋ iŋes neni ke Ekapolon, ŋirwa daadaŋ ŋulu eyarya iŋes, erae iŋes ŋini einakinitae neni ke Ekapolon.” Aŋun, abu Ana toesik Samuel a nen aŋuna ke Ekapolon.

1 Sam. 14:12

Kiŋenyakis ŋikilyok ŋulu ka ajore a Ŋipilistin Yonasan ka ekile ŋolo aryoŋit ŋiboro keŋ ŋulu ke ejie temasi, “Potu laalo neni kosi, eya ŋuna ecamitae isua alimokin iyes.” Tema Yonasan neni a ŋolo aryoŋit ŋiboro keŋ ŋulu ke ejie, “Bua, totupakinae ayoŋ, anerae adau Ekapolon ainakin ikes napedor a Ŋisirael.”