Ŋikat. 7:14 - Ebaibul

¹⁴ Toboŋok erukitos keŋ tema, “Meere ŋun icebore nai erae ekileŋ a Gideon a Esiraelit a ŋolo erae lokoku a Yoas; adau Ekapolon akipotokin Ŋimidian ka ŋajorei kec daadaŋ napedor keŋ.”

Ŋikat. 7:14 Iomraidhean Croise

Yob 1:10

Iuryarit iyoŋ iŋes alowaetin a daadaŋ kaapei ke ekal keŋ ka ŋiboro daadaŋ ŋulu eyakar iŋes, iterereŋ ŋiticisyo keŋ, ido alalata ŋiboro ŋulu eyakar iŋes anakwap.

Ekim. 22:38

Toboŋok Balaam Balak tema, “Abu ayoŋ neni kon tokona, nai ayakar mono ayoŋ apedori adio ŋina a ŋakiro a ŋadi a? Akirot ŋina akalimokini ayoŋ Ekapolon, iŋes emaikina ayoŋ olimu.”

Ekim. 23:20

Kiira, akalimokinitae ayoŋ akiterereŋ, adau iŋes akiterereŋ, ido nyalemari ayoŋ arereŋu ŋin.

Ekim. 23:5

Tolimok Ekapolon Balaam tema, “Toboŋo neni a Balak, ŋakiro nu ikes emaikina iyoŋ tolimok iŋes.”

Yos. 2:24

Ekaku kirworo ikes, temasi neni a Yosua, “Adau Ekapolon Akuj ainakin Kanaan daadaŋ nakan yok. Elelebun tokona ekabule lotai a ŋituŋa ka akwap a Kanaan daadaŋ.”

Yos. 2:9

bu Raab neni aya ikes tema, “Ayeni ayoŋ atemar adau Ekapolon Akuj ainakin iyes akwap na. Elelebun akuryanu neni kosi ka ebulit ituŋanan daadaŋ ŋini ka akwap a na aŋuna kus,

Yos. 5:1

Ani iirarete ŋirwosi ŋulu a Ŋiamori alo To aŋolol Yorodan kaapei ka ŋulu a Ŋikanaani alokipetotyo ka anam Mediteranian epite ŋolo kitoonio Ekapolon Akuj ŋakipi a Yorodan akitodol ŋina adokaryata Ŋisirael daadaŋ, tobuliyo ikes, tokuryaketa akitijiore Ŋisirael.

Ŋikat. 3:28

Tolimok Eud Ŋisirael tema, “Kiwuapakinae ayoŋ, anerae adau Ekapolon akipotokin napedor kus ŋimoe kus Ŋimoabi.” Aŋun, toloto Ŋisirael totiyaaros a nen kiwuapakis Eud, kikamasi ŋidoketa a aŋolol Yorodan ŋulu sek adokeneneeta Ŋimoabi, nyimyekis idiotuŋanan edokari ekekwaye aŋolol.

Ŋikat. 7:13

Apaki ŋina adolio Gideon nen, erworo ekile epei elimonokini ŋuluce ŋakiro ŋuna kebu iŋes kiruja. Abu ekile ŋol tema, “Abu ayoŋ eruja, anakiruja kaŋ abu ayoŋ eŋolik amugati ŋina epounitoe a ŋakirya a ŋuna a ŋikinyom a ŋulu esibito erau, abu amugati kikokoriyor neni eboiyoto Ŋimidian, tonaŋ eema epei toritak kwap.”

Ŋikat. 7:15

Kedau Gideon akiirar ŋakiro ŋuna erujat Emidianait ŋolo a Midian ŋol ka akisileerekinet a akirujaet a ŋin, abu iŋes toryedik kilip, toboŋo neni eboiyoto Ŋisirael, ido tolimok ikes tema, “Tonyoutu, anerae adau Ekapolon akipotokin ajore a Ŋimidian napedor kus.”

1 Sam. 14:12

Kiŋenyakis ŋikilyok ŋulu ka ajore a Ŋipilistin Yonasan ka ekile ŋolo aryoŋit ŋiboro keŋ ŋulu ke ejie temasi, “Potu laalo neni kosi, eya ŋuna ecamitae isua alimokin iyes.” Tema Yonasan neni a ŋolo aryoŋit ŋiboro keŋ ŋulu ke ejie, “Bua, totupakinae ayoŋ, anerae adau Ekapolon ainakin ikes napedor a Ŋisirael.”