Ŋikat. 7:13 - Ebaibul

¹³ Apaki ŋina adolio Gideon nen, erworo ekile epei elimonokini ŋuluce ŋakiro ŋuna kebu iŋes kiruja. Abu ekile ŋol tema, “Abu ayoŋ eruja, anakiruja kaŋ abu ayoŋ eŋolik amugati ŋina epounitoe a ŋakirya a ŋuna a ŋikinyom a ŋulu esibito erau, abu amugati kikokoriyor neni eboiyoto Ŋimidian, tonaŋ eema epei toritak kwap.”

Ŋikat. 7:13 Iomraidhean Croise

1 Ŋikor. 1:27

Nai abu Akuj toseu ŋulu etami akwap atemar ebaŋaaka, ikotere kisirumia ŋulu aosok ŋileec, abu Akuj toseu ŋulu etami akwap atemar epalag, ikotere kisirumia ŋulu agogoŋok ŋileec.

Ŋikat. 3:15

Nai ani igworokinete Ŋisirael Ekapolon, abu Ekapolon toseu aŋuna kec ekalakunan, iŋes Eud lokoku a Gera, ŋolo alokabila a Benjamin, arae iŋes ekile ŋolo akedyenyana. Apotu Ŋisirael kiyakiyasi iŋes akiya ocur kec neni a erwosit Egilon ŋolo a Ŋimoabi.

Ŋikat. 3:31

Ekaku a Eud abu Samegar lokoku ka Anas toruwor ekarikon a Ŋisirael, abu iŋes toar Ŋipilistin ŋamiae ŋakanikapei a ebela a ŋolo emetere ŋicugae. Abu Samegar daŋ tolaku Ŋisirael.

Ŋikat. 4:21

Nai abu Yael aberu a Eber tolemu asesit ŋina ke eema ka enyodo, toniemar ekililiŋat neni ayai Sisera ŋolo ajotoe nooi apaki ŋin aŋuna adounitor, kibubuk Yael asesit namateŋen a Sisera kiropo lowae ŋoloce todol tari nalup, totwan Sisera.

Ŋikat. 4:9

Toboŋok Debora iŋes tema, “Kire ikirukori iwon, nai nyiryamuni iyoŋ apolou, anerae ipotokini Ekapolon Sisera napedor a aberu.” Abu nai Debora torukosi ka Barak, toloto Kades.

Ŋikat. 6:15

Tolimok Gideon Ekapolon tema, “Nai okoe Ekapolon, ekokini ayoŋ alakuni Ŋisirael ai? Erae ateker kaŋ ŋina nyegogoŋ nooi alotooma ŋatekerin a Manase daadaŋ ka nabo daŋ arae ayoŋ ŋolo adit alokal kosi.”

Ŋikat. 7:12

Alalak nooi Ŋimidian, Ŋiamaleki ka ŋituŋa a ŋikabilae a ŋulu a lo Kide, apetakina akadipaalat daadaŋ esibit emaase, pa apedoryo akimarun ŋikaala kec, alalak nooi asibit asinyon alodiyete anam.

Ŋikat. 7:14

Toboŋok erukitos keŋ tema, “Meere ŋun icebore nai erae ekileŋ a Gideon a Esiraelit a ŋolo erae lokoku a Yoas; adau Ekapolon akipotokin Ŋimidian ka ŋajorei kec daadaŋ napedor keŋ.”

Ŋikat. 8:10

Apaki ŋin ayakasi Salimuna ka Seba kaapei ka ŋasigarya kec Karikor ka aapiyarit ekimar a ŋasigarya kec ŋalipyo ŋatomon ka ŋakan, arae ikes ŋipiya a ajore a ŋikabilae a ŋulu alo Kide, anerae aponi toarae ŋikajiok ŋalipyo amiat ka ŋatomoniarei.