Ŋikat. 6:5 - Ebaibul

⁵ anerae awotununeete ŋimoe a Ŋisirael ŋul ka ŋibaren kec ka iwokito ŋiemae kec, arimaete ikes esibito emaase, pa apedoryo akimarun ŋituŋa ka ŋikaala kec, apotu ikes kinyasut akwap a Ŋisirael.

Ŋikat. 6:5 Iomraidhean Croise

Eete a Ŋie. 1:5

Okoe ŋaberu a Yerusalem, eryono ayoŋ ka ebus, eryono ayoŋ cuc ikwa ŋiemae ŋulu a aloŋisat a ŋina a Kedar ka ebus ikwa ŋanaŋgae ŋuna inenetoi kai a Solomon ŋina ka apukan.

Isa. 13:20

Mam ituŋanan iboikin nabo Babilon, kori eyakaun nabo nen tari ananyameta a daadaŋ. Nyedukokinete Ŋimarabui ŋiemae kec nen, nyimyekinete ŋikeyokok ŋamesekin kec euryanete a nen.

Isa. 60:6

Eburusiyarete ŋikaala ŋulu alalak akwap kus, epote neni kus ŋitak a ŋikaala ŋulu a Midian ka Epa, epote ŋikaala ŋulu alo Seba daadaŋ neni kus. Iwokunete ikes neni kus egolid ka ekinyate, ido iseraete ŋikametok kec ipurosi Ekapolon.

Yer. 46:23

Eyapakinete ŋituŋa ŋul ŋikito a ŋamon a Ijipit kwap, tari daŋ kemutoko nooi ŋamon kec, anerae elalak ŋimoe ŋul akilo tari emaase, nyimarun ikes.

Yer. 49:29

Toŋatasi ŋiemae kec ka ŋamesekin kec, toŋatasi ŋanaŋgae kec ka ŋiboro kec daadaŋ; yaasi aŋuna kus ŋikaala kec, ido iiraryo akigworo a ŋituŋa a ŋul ebasi, ‘Eyai ekabule ŋiwaetin daadaŋ.’

Yer. 49:32

Eŋataryo ŋikaala kec, eŋataryo ŋaatuk kec. Ealari ayoŋ lowaetin daadaŋ ŋituŋa ŋulu ebanyito ŋakyes kec, ka ayauni ayoŋ neni kec ŋican alowaetin a daadaŋ.

Yer. 51:14

Ekoŋ Ekapolon ŋolo a ŋajoresyo aŋuna keŋ atemar, kire jik, ekeyakikini ayoŋ iyes ŋasigarya ŋuna alalak, ŋuna etya emaase iworounete ikes ecelasi aŋuna ikilouniata iyoŋ.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikat. 7:12

Alalak nooi Ŋimidian, Ŋiamaleki ka ŋituŋa a ŋikabilae a ŋulu a lo Kide, apetakina akadipaalat daadaŋ esibit emaase, pa apedoryo akimarun ŋikaala kec, alalak nooi asibit asinyon alodiyete anam.

Ŋikat. 8:10

Apaki ŋin ayakasi Salimuna ka Seba kaapei ka ŋasigarya kec Karikor ka aapiyarit ekimar a ŋasigarya kec ŋalipyo ŋatomon ka ŋakan, arae ikes ŋipiya a ajore a ŋikabilae a ŋulu alo Kide, anerae aponi toarae ŋikajiok ŋalipyo amiat ka ŋatomoniarei.

Ŋikat. 8:21

Temasi nai Salimuna ka Seba neni a Gideon “Bua toarae isua, anerae iyakar iyoŋ agogoŋu ŋina a ekile.” Aŋun abu Gideon toar Salimuna ka Seba, ido tolema ŋiboro ŋulu etanapikinitae lomosiriŋin a ŋikaala kec.

1 Sam. 30:17

Kisiiryak Daudi ikes ŋinapei ipiripiriuni akoloŋ akitodol eboŋ akoloŋit ŋina atupakini ŋin. Mam ŋimoe ŋul ŋini abu tobucar, alemar ŋisorok ŋamiae ŋaomwon bon, ŋulu apotu todokakis ŋikaala toema.