Ŋikat. 6:4 - Ebaibul

⁴ Aponeneete ikes kigurokis ŋiemae kec nakwap a Ŋisirael aŋuna ka akitijiore Ŋisirael, ido tomunaasi ŋikinyom a akwap a Isirael daadaŋ akitodol tari Gasa, nyimyekis ibore idio ŋini epedoryata Ŋisirael ayarya, nyimyekis tari amesek, kori emoŋ, kori esigirya,

Ŋikat. 6:4 Iomraidhean Croise

Akisy. 10:19

Arae egyer ka akwap a Ŋikanaani iŋes lo: Anyoun a lo Sidon alowae a ŋolo a Gerar tari Gasa; nabo alowae a ŋolo a Sodoma, Gomora, Adama ka Seboim tari Lasa.

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Ŋakit. 28:3

Ekepukan ŋolo itoroniyarit ŋikulyakanotin, ikwaan ka akiru ŋina iliiciyari akimuj todaun.

Yer. 5:17

Irikarete ikes ŋikinyom ŋulu ilemunete iyes alomanikorin kus ka akimuj kus daadaŋ, emunyarete ikes ŋidwe kus ŋulusapa ka ŋulupesur, irikarete ikes ŋamesekin ka ŋaatuk kus, irikarete ikes ŋikito kus ŋulu a epiini ka ŋiboboryo; inyasunete ikes ŋitaunio kus ŋulu eyakatar ŋaduketa ŋunajiet, ŋitaunio ŋulu sek ikinyomito iyes.

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Obad. 1:5

“Ani mono kepotu neni kon ŋikokolak, nyekokoiyarete mono ikes etyae ŋolo ecamito ikes a? Ani mono kepotu neni kon ŋikenyasak nakwaare, etya mono ai akinyasuno ŋina iryamuni iyoŋ! Ani mono kepotu neni kon ŋikalemak epiini, nyimyekinete mono ikes epiini edio cici a?

Mika 6:15

Epedorete ikes aekin, nai mam ibore elemunete; icuunete iyes akimyet alokito ka Olipa, nai nyiosakinosi akimyet adio daŋ, icuunete iyes epiini, nai nyimasete edio daŋ,

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikis. 28:51

Emunyarete ŋituŋa ŋul ŋitak ka ŋikaalei a ŋibaren kus, ŋikinyom ka ŋaraito kus tari ŋina imunyarotor iyes, nyimyekis aŋuna kus kerae ŋikinyom, epiini, akimyet, kori ŋitak a ŋaatuk kus, kori ŋikaalei a ŋakinei kus tari ŋina ikimunyaryata ikes iyes.

Ŋikat. 6:3

Apaki daadaŋ ŋina eekiniata Ŋisirael ŋikinyom kec, aponeneete Ŋimidian, Ŋiamaleki ka ŋituŋa ŋulu eboiyete alo Kide akitijiore Ŋisirael.