Ŋikat. 6:39 - Ebaibul

³⁹ Tema nai Gideon neni ke Ekapolon, “Nyikiŋoik ca ayoŋ Ekapolon, kimyekinae erworik nabo apei bon kimyekinae ayoŋ eŋolik ŋace anajul a ŋamesekin, kimyek nyikopik ŋajul a ŋamesekin, nai toyakaun ŋakopi nawae nenice daadaŋ.”

Ŋikat. 6:39 Iomraidhean Croise

Akisy. 18:30

Tolimu nabo Aburaam tema, “Okoe, Ekapolon kaŋ, nyiŋo ca! Kimyekinae erwor; ani bo kerae ŋatomoniuni bon iryamuni iyoŋ iyookino a nen?” Toboŋok Ekapolon tema, “Nyamunyari ayoŋ akibois ŋin erae karyamu ŋatomoniuni ŋulu iyookino a nen.”

Akisy. 18:32

Tolimu nai Aburaam tema, “Okoe Ekapolon kaŋ, nyiŋo ca! Kimyekinae olimu apei ca bon; ani bo kerae ŋitomon bon iryamuni iyoŋ iyookino a nen?” Toboŋok Ekapolon tema, “Aŋuna a ŋulutomon a ŋul, nyamunyari ayoŋ akibois ŋin.”

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Mat. 21:43

“Aŋun, akalimokini ayoŋ iyes atemar, elemaryo Apukan ka Akuj aneni kus, inakinae neni a ŋituŋa a ŋulu iraete ŋaraito. [

Mat. 8:12

Nai ŋituŋa ŋulu emaikina toya Napukan, ecakakinio ikes nakiryonut, kigworo toryeba ŋikyal a nen.”

Ŋitic. 13:46

Kirworo nai Paulo ka Baranaba neni kec pa ekuryanito temasi, “Arae neni kus mono etemokino akirot ŋina ka Akuj tolimonokinae. Nai ikwapei iŋeryoto iyes ŋakiro nu ka itamete atemar nyemaikina iyes aryamun akiyar ŋina nyedaun, tokona elosyo isua lotuŋa ŋulu nyerae Ŋiyudayan.

Ŋitic. 22:21

Tema Ekapolon neni kaŋ, ‘Tolot, anerae ekeyakiyari ayoŋ iyoŋ neni elwana nooi, lotuŋa ŋulu nyerae Ŋiyudayan!’ ”

Ŋitic. 28:28

Toŋetaki Paulo tema, “Toyenete nai atemar, eyakiya tokona Akuj ŋakiro ŋuna ka aiuno a ŋituŋa neni a ŋulu nyerae Ŋiyudayan. Nai iirarete ikes!” [

Ŋikat. 6:38

Apotu ŋakiro kitiyakinos ikwaŋinapei. Ani enyouni Gideon taparacu, tocuu ŋakipi anajul a ŋamesekin ŋuna apedorete akilelebun ekopo.

Ŋikat. 6:40

Abu Akuj kitiya ŋun akoloŋit ŋin nakwaare. Aokito ŋajul a ŋamesekin, nai aya ŋakopi nawae nenice daadaŋ.