Ŋikat. 6:34 - Ebaibul

³⁴ Nai abu Etau ŋolo ke Ekapolon min neni a Gideon, ido tokutak Gideon amomwara a emesek, tonyaraunae ŋituŋa ŋulu ka Abieser akiwuapakin iŋes.

Ŋikat. 6:34 Iomraidhean Croise

1 Ŋakiro a ŋirwa 12:18

Abu nai etau ka Akuj bu neni ka Amasai a ŋolo arae ekarikon a ŋikilyok a ŋulutomoniuni, ido abu tema, “Okoe Daudi, ikirae isua ŋulu kon! Okoe lokoku a Yese, ikiriit isua ka iyoŋ! Kiryama ka ekisil, kiryama ka ekisil, ekisil toyai neni a ŋulu iriitotor iyoŋ, anerae ikiŋarakinit iyoŋ Akuj kon.” Aŋun, abu Daudi kijau ikes, ido abu kituruwo ikes ŋikarikok a ŋajorei keŋ.

1 Ŋakiro a ŋirwa 12:19

Apotu ŋituŋa a Manase ŋice toriwo neni a Daudi apaki ŋina alosyoto Daudi ka Ŋipilistin akitijiore Saul. (Nai abu Daudi ka ŋikajiok keŋ nyiŋarakis Ŋipilistin, anerae ani kedaut Ŋipilistin a kimima ŋakiro a Daudi, apotu kiritasi Daudi ka ŋirukitos keŋ nariet. Temasi, “Ikicakari iwon akiyar yok kikiruko ka iŋes, ido toriwo iŋes ka Saul.”)

2 Ŋakiro a ŋirwa 24:20

Abu nai etau ŋolo ka Akuj min neni a Sakariya alokoku a esacaradoti a Yeoiyada. Abu Sakaryia towo aneni amukur torou ŋituŋa, ido tema, “Ŋakiro ŋuna irworo Akuj ikes nu, ‘Kaanukiro iŋeryoto iyes akiwuap Ŋakiciketa a Ekapolon, ido iyaut ŋican nawat kus? Aŋuna iŋeryoto iyes Ekapolon, iŋes daŋ ikiŋer iyes.’ ”

Ŋikiru. 51:11

Nyikirita ayoŋ aneni kon, kori nyilema aneni kaŋ etau kon ŋolo Asegan.

Ekim. 10:3

Ani ekutakinio ŋarupepe ŋunaarei daadaŋ kaapei, ecunun atukot a Ŋisirael daadaŋ kiŋaren kon lopuke ŋolo ke eema a ŋolokilipet.

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

Ŋigal. 3:27

Aponi iyes ikibatisae tooma nakimorikina ka Kristo ka tokona inapito iyes ŋipitesyo ŋulu a Kristo.

Yos. 17:2

Aponi tokorakinae akwap ŋina alo To Yorodan neni a ŋidwe a Manase a ŋuluce a lu: Abieser, Elek, Asiriel, Sekem, Eper ka Semida. Arae ŋul ŋiletok a Manase a Lokoku a Yosepu ŋulusapa a ŋatekerin kec.

Ŋikat. 13:25

Togeu etau ŋolo ke Ekapolon akitogogoŋ iŋes apaki ŋina ayakar iŋes Manedan kidiŋ Sora ka Esitaol.

Ŋikat. 14:19

Toloma atipei etau ŋolo ke Ekapolon neni a Samuson, totiyaar iŋes Asikelon. Toar alotaun a ŋol ŋikilyok ŋatomoniuni, toŋata ŋiboro kec, inak ŋilowi ŋulu a ŋasuban neni a ŋikilyok a ŋulu atedorete ŋakiro keŋ. Toboŋo lore a papa keŋ eŋoit nooi.

Ŋikat. 15:14

Ani edoluni Samuson Lei, potu Ŋipilistin akisiryam iŋes ecelasi, atipei toloma etau ŋolo ke Ekapolon neni a Samuson, tosubut ŋaunoi ŋuna aenitere ŋakan keŋ ausi ŋina anom akim, totubutuboor ŋaunoi anakan keŋ.

Ŋikat. 3:10

Abu etau ŋolo ke Ekapolon min neni ka Osiniel, toruwor iŋes ekatubon ŋakiro alo Isirael, abu tolot lojie, ido abu Ekapolon kipotok erwosit Kusan-Risasaim ŋolo ka Aram napedor ka Osiniel, abu iŋes kilou Kusan-Risasaim.

Ŋikat. 3:27

Ani edoli iŋes Seira, tokutak arupepe anakwap a ŋina a ŋikamukumukui a ŋina a Epuraim, apotu nai Ŋisirael totiyaaros kaapei ka iŋes anakwap a ŋina a ŋikamukumukui, iŋarenikinit Eud ikes.

Ŋikat. 6:11

Apaki ŋin, abu emalaika ŋolo ke Ekapolon bu kiboikin kwap ekuyon ŋolo alo Opura, ŋolo arae ŋolo ka Yoas a ŋolo arae Ebiesarait. Apaki ŋin arami lokoku keŋ Gideon ŋikinyom ŋulu a ŋaganoi aneni acuyere epiini, kiwaite nyiŋolikis Ŋimidian.

Ŋikat. 8:2

Tolimok nai Gideon ikes tema, “Anukiro tokona etiyat ayoŋ ŋuna ikwaan ka ŋuna itiyato iyes? Tari kekudyoko ŋuna itiyato iyes ŋikilyok a ekabila a Epuraim, epolok ŋun nooi akilo ŋuna itiyato ŋituŋa a ateker ka Abieser.

1 Sam. 10:6

Elomari nai etau ke Ekapolon neni kon, ido kisyak iyoŋ akidwar kaapei ka ikes, igelaniar iyoŋ alopite a ŋolo sek iyakar.

1 Sam. 11:6

Min etau ŋolo ka Akuj neni a Saul inak, apedor apaki ŋina eirarya ŋakiro ŋun, tonepu aŋoit aneni keŋ nooi.

1 Sam. 13:3

Apeikoloŋit, kitijik Yonasan Ŋipilistin ŋulu ayakasi Geba, kiirasi Ŋipilistin ŋakiro ŋun. Tolimok nai Saul ŋituŋa tokutakis anakwap a Isirael a daadaŋ ŋabureryaŋa a ŋimeesekin, alimokin ŋituŋa ebe, “Itemokino Ŋiburaniyae kiirasi ŋakiro a Saul.”

1 Sam. 16:14

Apaki ŋin, keris etau ke Ekapolon kelot aneni a Saul, ido abu Ekapolon kiwuak ekipye neni a Saul, kisican iŋes.