Ŋikat. 6:31 - Ebaibul

³¹ Nai tolimok Yoas ŋituŋa ŋulu acunakina ŋulu aŋoikinito iŋes tema, “Iriito mono iyes neni a Baal a? Icamito iyes aikin iŋes a? Ituŋanan daadaŋ ŋini eriit neni a Baal, emaikina toarae iŋes eriŋa nyiwalara akwap. Ani kerae iŋes akuj kimyekisi iŋes toiun bon aŋuna amunaarere namuroet keŋ.”

Ŋikat. 6:31 Iomraidhean Croise

1 Ŋirw. 18:27

Ani edoli kidiŋ apaaran, tokyenar Eliya ikes tema, “Tocelutu nooi! Kire jik erae iŋes akuj; acepaki etamatamae iŋes, kori elalakinit etic, kori elosit iwace, kori acepaki ejotoe, ido emaikina kitekyenyunae.”

1 Ŋirw. 18:29

Ani elunyar kidiŋ apaaran, torubakis ŋikadwarak a Baal edwarete nooi esibit ŋibaŋaanotin, todol tari apaki ŋina einanakinere ŋainakineta, nai mam etoil aponi kiirarae, mam ŋini abu toboŋok ikes ka mam ŋini amitakinit ŋakiro kec.

1 Ŋirw. 18:40

Tema Eliya neni a ŋituŋa, “Kikamutu ŋikadwarak a Baal, nyimyekis epei daŋ ebucar.” Kikamut nai ŋituŋa ikes; yau Eliya ŋikadwarak ŋul totiyaaror nayonae Kison, ido toar ikes a nen.

Awos. 23:2

Kimyekisi akiwuapit ŋasepico a ŋituŋa a ŋulu ecamito akitiya aronis. Ani ilimorete iyes ŋakiro kus aloikiiko, nyimunono ŋuna iyookino, ido nyirworo alyokonu iriito ka ŋikalalak.

Isa. 41:23

Tolimokinae isua ŋakiro ŋuna epote ekaku, ikotere ikiyenuni isua atemar irae iyes ŋakujo; kitiyakisi adiojokis, kori adioronis, ikotere ikikuryaniar isua ka ikibuli.

Isa. 46:1

Erae na adaunet a ŋakujo a Babilon! Arae sek Bel ka Nebo ŋakujo ŋuna elipeneneo neni kec, nai tokona idokokinitoe ikes losigirya, aruworosi akiwokitoi ŋina apotyon aneni a ŋityaŋ a ŋulu sek eupit.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Ekim. 14:6

Anenipei, potu Yosua lokoku a Nun ka Kaleb lokoku a Yepune, ŋirukitos a ŋikilyok a ŋulu alosito akireb akwap, tocila ŋilowi kec,

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

Ŋiep. 5:11

Nyilomanarete nakiro ŋuna koŋinae ŋuna ka akiryonut, nai kisileereutu ikes.

Ŋikat. 6:30

Tolimokis nai ŋituŋa a etaun Yoas temasi, “Yau lokoku kon ne toarae, anerae kemunaa iŋes namuroet a Baal ka keritaki kwap epir ŋolo ke etal ŋolo sek eyai diyete namuroet.”

Ŋikat. 6:32

Aŋun, akoloŋit ŋin aponi tonyarae Gideon a ekiro alo Yerubaal, apolou keŋ ebe, “Kimyek Baal tojioto ka iŋes,” anerae abu iŋes tomunaa namuroet a Baal.

1 Sam. 12:11

Abu nai Ekapolon kiyakiu Yerubaal, Barak, Yepesa ka Samuson, ido apotu ikes itoiut iyes anapedor a ŋimoe kus alowaetin a akwap kus a daadaŋ, ido kiboiyoto emam ŋace.