Ŋikat. 6:24 - Ebaibul

²⁴ Abu nai Gideon todukok namuroet nen aŋuna ke Ekapolon, tolimok ekiro a namuroet a ŋin “Ekapolon iŋes erae ekisil” Eriŋa namuroet ŋin eyai Opira lotaun ŋolo a Ŋiabieseri tari tokona.

Ŋikat. 6:24 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 12:8

Towotok Aburam a nen lomukura ŋulu alowae a ŋolo alo Kide Besel, tolom nen, kigurok eema. Ayai Besel lowae ŋolo ka anam, To neni alomit Aburam, toyai Ai Kide keŋ. Todukok Aburam Namuroet nen aŋuna ka akilipya neni ke Ekapolon; ido abu kilip enyarit ekiro ke Ekapolon.

Akisy. 22:14

Aŋun, abu Aburaam tolimok ekiro a akibois a ŋin, “Elemuni Ekapolon”; tari tokona ebasi ŋituŋa, “Alomukura a ŋolo ke Ekapolon, ikilemikinio.”

Akisy. 33:20

Todukok Namuroet nen, tonyara ekiro a akibois a ŋin El-Eloe-Isirael.

2 Sam. 24:25

Abu Daudi todukok nen Namuroet aŋuna a Ekapolon, ido inak Ekapolon ŋainakineta ŋuna epeyo ka ŋuna ke ekisil a nen. Aŋun, abu Ekapolon toboŋok akilipa a Daudi aŋuna ka akwap kec, ido abu Ekapolon tolema edeke tojoŋo akiar Ŋisirael.

1 Ŋirw. 18:32

Abu Eliya todukok Namuroet a ŋamoru a ŋun akilipya neni ke Ekapolon. Tobokak akitelosit ŋina aloloman nawae Namuroet kiryam, elelebyanakin nakitelosit ŋin ŋakipi ŋuna edolete ŋilitae ŋitomon ka ŋikan.

Esir 3:2

togeut nai Yesua lokoku a Yeosadak kaapei ka ŋisacaradotin ŋuluce ka Serubabel lokoku a Sealtiel ta ŋiyeneta keŋ adukokin Namuroet ŋina ka Akuj a Isirael ikotere einanakinete ŋainakineta ŋuna epeyo alokidiama Namuroet ŋin, lopite ŋolo elimunitere alokisila a Moses a ŋolo arae ituŋanan ŋini ka Akuj.

Awos. 17:15

Todukok Moses Namuroet nen tolimok ekiro keŋ ebe, “Erae Ekapolon abendera kaŋ.”

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Ekim. 26:30

Arae lu ŋiletok a Gilead: Ieser iŋes papaa a ateker a Ŋieseri, Elek iŋes papaa a ateker a Ŋieleki;

Yos. 22:10

Ani edolunete ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase diyete Yorodan toriŋa eya nakwap a Kanaan, apotu todukokis nen Namuroet ŋina apolon nooi.

Ŋikat. 21:4

Akoloŋit ŋina atupakini, tokyenyut ŋituŋa taparacu sek todukokis namuroet nen, ido inakis ŋainakineta ŋuna epeyo ka ŋamuronisya ŋuna ke ekisil.

Ŋikat. 6:23

Nai tolimok Ekapolon iŋes tema, “Toyai ekisil neni kon! Nyikuryaniar, nyitwani iyoŋ.”

Ŋikat. 8:27

Abu Gideon kitiyau etorube a akuj a egolid a ŋol, kiwuak lotaun keŋ Opura, ido apotu Ŋisirael daadaŋ kilipa neni a etorube. Apotu ŋun kitojamakis Gideon ka ekal keŋ akikinyomit Akuj.

Ŋikat. 8:32

Abu nai Gideon lokoku a Yoas totwana emojoŋit nooi, tonukae iŋes neni anukitae papa keŋ Yoas alo Opura alotaun a Ŋiabieseri.

1 Sam. 14:35

Todukok Saul Namuroet aŋuna a Ekapolon nen; arae ŋin Namuroet ŋina ke ekiŋaren, ŋina abu Saul todukok aŋuna a Ekapolon.

1 Sam. 7:17

Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.