Ŋikat. 6:19 - Ebaibul

¹⁹ Aŋun, abu Gideon tolot kai keŋ toar ikale kipou, kipou ŋamugati daŋ ŋuna amam ŋakinyalet kipou a ŋakirya a ŋuna arae ŋakiloi ŋatomon, kiwuak akiriŋ a ikale lobukit ka kiwuak ŋapoko namot, tosodi ya neni a emalaika a Ekapolon a ŋolo edarit iŋes alokwap ekuyon, inak Gideon iŋes ŋainakineta keŋ.

Ŋikat. 6:19 Iomraidhean Croise

Akisy. 18:3

Tema, “Ekapolon kaŋ, ani tokona kajok ayoŋ aneni kon, ekelipit ayoŋ iyoŋ nyilunyar kare ca aneni a eketiyan kon.

Akisy. 18:5

Kimyekinae ayoŋ oyau ŋamugati ŋadi tonyama toryamuniata agogoŋu, ido nai torotokis, ikwapei itorunioto iyes neni a eketiyan kus.” Tolimut ŋikilyok ŋuluuni ŋul temasi, “Kitiya lopite ŋolo ilimunio iyoŋ.”

Ŋilep. 2:4

Ani keyau ituŋanan ainakinet keŋ erae ŋamugati ŋuna epeitoe, emaikina elemunitae anakirya a ŋuna ajokak nooi: Torae ŋamugati ŋuna emam ŋakinyalet ŋuna erae akimyet emunatere, kori torae ŋabisikotyo ŋuna emam ŋakinyalet, ŋuna iwosakinitae akimyet.

Mat. 13:33

Tolimok Yesu ikes akitadapet ace tema, “Ikoni Apukan ŋina anakuj ŋakinyalet ŋuna abu aberu tolemu, kinyalak ka ŋakirya ŋuna adolito ŋidepei ŋiarei, tomurak akitodol ŋina abuunioto daadaŋ.”

Ŋikat. 13:20

Ani ikyaar arira ŋina ka akim kidiama anamuroet, kikyaar emalaika ŋolo ke Ekapolon kaapei ka arira ŋina anamuroet kiteete Manoa ka naberu keŋ; toryediko nai ikes kijuuroto todolo ŋireetin kwap.

Ŋikat. 6:18

Nyirotok a ne tari ŋina aboŋunio ayoŋ neni kon okoinu iyoŋ ainakinet kaŋ, ido ewuak kiŋaren kon.” Toboŋok Ekapolon tema, “Eboi ayoŋ a ne tari ŋina iboŋunio iyoŋ.”

Ŋikat. 6:20

Tolimok emalaika a Akuj Gideon tema, “Tolema akiriŋ ka ŋamugati ŋuna emam ŋakinyalet, kiwuak ikes nataaba na, tosodi tobukok ŋapoko.” Abu Gideon kitiya ŋun.