Ŋikat. 6:15 - Ebaibul

¹⁵ Tolimok Gideon Ekapolon tema, “Nai okoe Ekapolon, ekokini ayoŋ alakuni Ŋisirael ai? Erae ateker kaŋ ŋina nyegogoŋ nooi alotooma ŋatekerin a Manase daadaŋ ka nabo daŋ arae ayoŋ ŋolo adit alokal kosi.”

Ŋikat. 6:15 Iomraidhean Croise

Akisy. 32:10

Eketimit ayoŋ ŋolo arae eketiyan kon tari epite ŋolo ikitoodikinia iyoŋ ayoŋ atemar irae iyoŋ ŋolo ka amina a ŋina nyiryaŋiryaŋa ka akiyookino. Apaki ŋina adokya aŋolol Yorodan, ayakar ayoŋ ebela bon, nai tokona, ayakar ayoŋ ŋauyoi ŋaarei.

Awos. 3:11

Nai, abu Moses tolimok Akuj tema, “Ŋae mono ayoŋ ŋolo emaikina olot neni a Parao, oyau Ŋisirael anakwap a Ijipit?”

Awos. 4:10

Abu nai Moses tema neni a Ekapolon, “Okoe Ekapolon, nyapedorit ayoŋ erwori ejok ŋinapei koloŋ, tari tokona apaki na ŋina irworor iyoŋ neni a eketiyan kon. Eapi ayoŋ ŋakiro erworo ka aŋajepana ayoŋ.”

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 50:45

Aŋun, Kiirasi ŋakiro ŋuna eyeunit Ekapolon aŋuna a ŋituŋa a Babilon ka ŋakiro ŋuna ecamit iŋes akitiya nakwap a Ŋibabiloniyae: Kire jik, erikoryo ŋidwe kec iwace ka ebuli ŋituŋa daadaŋ aŋuna a ŋakiro kec.

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Luk. 1:34

Tolimok Maria emalaika tema, “Arae ayoŋ apese ŋina nyikiryamakina ka ekile, epedor ŋakiro ŋun ikwaani?”

1 Ŋikor. 15:9

Anerae arae ayoŋ ecaryoit a Lokiyakia, nyitemokino akanyaritae ekiyakia, anerae abu ayoŋ esican Ŋikristo.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋikat. 6:11

Apaki ŋin, abu emalaika ŋolo ke Ekapolon bu kiboikin kwap ekuyon ŋolo alo Opura, ŋolo arae ŋolo ka Yoas a ŋolo arae Ebiesarait. Apaki ŋin arami lokoku keŋ Gideon ŋikinyom ŋulu a ŋaganoi aneni acuyere epiini, kiwaite nyiŋolikis Ŋimidian.

1 Sam. 18:23

Aŋun, apotu ŋiketiyak a Saul yaasi ŋakiro ŋun neni a Daudi, tolimokis ikes aneni kec bon. Nai abu Daudi kiŋit ikes tema, “Etakani mono aneni kus epatana aruwor ekamuran ke erwosit orae bo ayoŋ ekulyakit ka ituŋanan ŋini nyayenen alotuŋa a?”

1 Sam. 9:21

Toboŋok Saul tema, “Arae ayoŋ ituŋanan ŋini a ekabila a Benjamin a ŋolo edit alokabilae a Ŋisirael. Ŋituŋa a ekal kosi daŋ, erae ŋicaryo alokalya a ekabila a Benjamin. Kaanukiro nai ikilimokinia iyoŋ ayoŋ ŋakiro ŋuna ikote ŋun?”