Ŋikat. 6:13 - Ebaibul

¹³ Tolimok Gideon emalaika tema, “Nai okoe ekapolon, ani kire kikiya isua ka Ekapolon, kaanukiro etiyakinotor ŋakiro nu daadaŋ neni kosi? Nyaalu ŋiticisyo keŋ ŋulu ka aumokin, ŋulu ikilimokinito isua atapapaa kosi ebasi, ‘Meere Ekapolon ikiyauni iwon anakwap a Ijipit a?’ Nai tokona ikicaka Ekapolon isua, ikipotok isua napedor a Ŋimidian.”

Ŋikat. 6:13 Iomraidhean Croise

Akisy. 25:22

Tobolyakis ŋidwe ijukanarosi anakook a Rebeka, tema iŋes, “Ani kikokinete ne, kaanukiro ayarya ayoŋ?” Aŋun, abu iŋes tolot akiŋita ŋun neni ke Ekapolon.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Ŋikiru. 27:9

Nyikiesik ayoŋ, nyikiesik ayoŋ eketiyan kon aŋuna ka aŋoit kon, iyoŋ ibu toruwor ekeŋarakiniton kaŋ. Nyikiŋer ayoŋ, nyikimyek ayoŋ, okoe Akuj kaŋ, akaiunan kaŋ!

Ŋikiru. 44:1

Okoe Akuj ikidau isua akiirar a ŋaki kosi, adaut atapapaa kosi alimokin isua ŋuna kibu iyoŋ kitiya alorwa kec, alorwa a ŋulu koloŋ.

Ŋikiru. 44:2

Kibu iyoŋ anapedor kon kirita ŋituŋa a ŋakwapin, ido kiwuak atapapaa kosi nakwapin kec; kibu iyoŋ kisican ŋituŋa a ŋakwapin, ido kitobar atapapaa kosi.

Ŋikiru. 44:9

Nai tokona ikiŋer iyoŋ isua, ikimyek ikilounio nyeriŋa iyoŋ iyai kaapei ka ŋajiorei kosi.

Ŋikiru. 89:49

Okoe Ekapolon, ai mono etor amina kon ŋina nyiryaŋiryaŋa ŋina paaran, ŋina ibu iyoŋ anakikinyoma kon kiik Daudi?

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 63:11

Apotu nai ikes totamut ŋirwa ŋulu koloŋ, ŋirwa ŋulu a Moses a eketiyan a Akuj. Ai eyai ŋolo abu kitipeunio ikes ananam kaapei ka ŋikeyokok a ŋamesekin keŋ? Ai eyai ŋolo abu kiwuak etau keŋ ŋolo asegan tooma kec,

Isa. 63:15

Ekapolon kiŋoliu alokidiama, ido ikiŋolik, kiŋoliu anakibois kon a ŋina asegan ka a ŋina ka apolou. Ai eyai alelakinit kon isua ka apedor kon ŋina etiron? Ai eyai arimao ŋina a etau kon ka akisyon kon? Ilema iyoŋ ŋun aneni kaŋ.

Yer. 23:33

“Ani kikiŋita iyoŋ ŋituŋa ŋul, kori ekadwaran, kori esacaradoti ebe, ‘Anukiro eryeba Ekapolon?’ Iboŋokinete iyes ikes atemar ebala Ekapolon, ‘Iyes irae aryebo aneni kaŋ, ido akaŋeri ayoŋ iyes.’

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 29:24

eumokinete ikes kaapei ka ŋituŋa a ŋakwapin ebasi, ‘Kaanukiro etiyakinia Ekapolon ŋakiro nu nakwap na? Anukiro kitoŋoiyete iŋes nooi?’

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’

Ŋikat. 6:1

Apotu Ŋisirael kitiyata ŋakiro ŋuna aronok alokiŋaren Ekapolon, abu nai Ekapolon kipotok ikes napedor a Ŋimidian ŋikaru ŋikanikaarei.

Ŋikat. 6:12

Totakanu emalaika ŋolo ke Ekapolon neni a Gideon, tolimok iŋes tema, “Iyakasi iyoŋ ke Ekapolon, iyoŋ ekajion ŋolo etiron.”