Ŋikat. 5:30 - Ebaibul

³⁰ ‘Eriŋa tokona ikes eŋatanarete ŋiboro ka eriŋa ekorete ŋiboro ŋulu aŋatunete; ekoranakinosi tokona ikes ŋapesur apei, kori ŋaarei aŋuna aŋolosigarit, eŋasete tokona aŋuna a Sisera ŋilowi ŋulu isibusitae, ŋinapito ŋulu isibusitae ka edonyokinitoe ŋausyo ŋuna ebusak, eŋasete tokona ikes ŋinapito ŋiarei ŋulu anapi ayoŋ ŋulu isibusitae ka edonyokinitoe ŋausyo ŋuna ibusak.’

Ŋikat. 5:30 Iomraidhean Croise

Akisy. 37:3

Amina Yakob Yosepu akilo ŋidwe keŋ ŋuluce ŋulusapa daadaŋ, anerae auruunio Yosepu kemojoŋ Yakob. Adonyokinit Yakob Yosepu ekaaso ŋolo ebusan ŋolo aoyan a ŋakan.

2 Sam. 13:18

Aŋun, abu eketiyan ka Aminon kirita Tamar kiŋa, ido togolok epuke keloma iŋes kiŋa. (Apaki ŋin, anapit Tamar ekaaso ŋolo aoyan a ŋakan, anerae arae ŋol epite ŋolo anapitotor ŋidwe a ŋirwosi ŋulupesur ŋulu nyiryamakina ka ŋikilyok.)

Yob 20:5

atemar erae alakara a ŋulu aronok ŋina euruwuana ka atemar erae alelyanu a ŋulu nyekerito Akuj adio cici a?

Ŋikiru. 45:14

Itenanaryo iŋes neni ke erwosit enapit ŋilowi ŋulu esiritoe; iwuapito ŋapesur ŋuna iŋarakinito iŋes.

Ŋikiru. 68:12

“Abwaŋasi ŋirwosi ka ŋikajiok, aema nariet!” Apotu ŋaberu alorerya tokora ŋiboro ŋulu aŋatunitae.

Awos. 15:9

Abu emoit tema, ‘Ewuapi ayoŋ ikes, aditari ayoŋ ikes, atyakatyakae ayoŋ ibore ŋini aŋatuni, aŋatari ayoŋ ŋiboro kec daadaŋ ŋulu acamit. Alemuni ayoŋ ekileŋ kaŋ, ido amunyari ayoŋ ikes a apedor kaŋ.’

Awos. 27:16

Kiwuak lopuke ka alapatu a ŋina alokiŋa Eema ŋolo iryamununoi anaŋga ŋina erae aoyau alosepyon ŋimitae ŋikanikaomwon, toyakas ŋiraŋgi lu: Ŋolopus, ŋolo kipurat-areŋan ka ŋolo areŋan. Emaikina anaŋga ŋin erae ŋina amilimilan ŋina edonyuno ejok, ŋina edonyokinitoe nawae ŋiusyo ŋice ŋulu isibusitere. Emaikina eyakasi nen ŋipirin ŋiomwon ka ŋawoeta kec ŋaomwon.

Ŋakit. 16:19

Ejok aruwor ituŋanan ŋini iapara alotau torukito ka ŋikulyak, akilo aryamunun aneni a ŋiketurok ibore ŋini eŋatunitae.

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Ŋikat. 5:19

Apotu ŋirwosi toloto lojie, ido apotu kitijioto ŋimoe, apotu ŋirwosi a Kanaan kitijioto ŋimoe, apotu ikes kitijioto ŋimoe alo Taanak alodiyete ŋakipi a Megido, nai nyeŋatara ikes esilipa edio.

Ŋikat. 5:29

Toboŋok apei ŋina aoson nooi anaberu a ŋuna arae ŋakapolok, kire aryamu iŋes alope aboŋokinet a akiŋiset keŋ na.