Ŋikat. 5:23 - Ebaibul

²³ Abu emalaika ŋolo ke Ekapolon tema, ‘Kilama Meros kilama nooi ŋituŋa ŋulu iboiyete alotooma keŋ, anerae apotu ikes nyepotu akiŋarakin Ekapolon, apotu ikes nyepotu akiŋarakin Ekapolon akitijiore ŋiketirok.’

Ŋikat. 5:23 Iomraidhean Croise

Neem. 3:5

Alokiŋaren a Sadok todukok Tekoites, nai nyetapa ŋikapolokinitok kec etic ŋolo ke Ekapolon kec.

Ŋikiru. 94:16

Ŋae abu towo aŋuna kaŋ akitoroniyar ŋulu aronok? Ŋae abu oriwo ka ayoŋ, kitoroniya ŋulu itiyaete aronis?

Yer. 48:10

“Ilamam ituŋanan ŋini ekalanyana akitiya etic a Ekapolon ka ilamam ituŋanan ŋini nyisitiyae ekileŋ keŋ aarya ŋituŋa.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Ŋirom. 15:18

Erwori ayoŋ emam akuryanu, ido alimuni ŋuna etiya Kristo aneni kaŋ, ŋuna ka akirik ŋituŋa ŋulu nyerae Ŋiyudayan tokera Akuj. Apotu ŋun kitiyakinos alotooma alimonokin ka ŋiticisyo,

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

1 Ŋikor. 3:9

Anerae ikitiyae isua kaapei ka Akuj. Irae iyes emanikor ŋolo ka Akuj. Iraakasi daŋ Akai ka Akuj.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋikat. 13:3

Totakanu emalaika a Ekapolon neni ka aberu a Manoa, tolimok iŋes tema, “Tari kikolupana iyoŋ, kemam ŋidwe, ipotiuni iyoŋ ka idouni ikoku ŋinisapat.

Ŋikat. 2:1

Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.

Ŋikat. 21:5

Temasi nai Ŋisirael, “Ŋituŋa a ekabila ka ali alokabilae a daadaŋ a ŋulu a Ŋisirael nyeponito natukot aŋuna ke Ekapolon?” Eŋitasi ikes ŋun, anerae kepotu ikes kikoŋo aŋuna a ŋinituŋanan nyebuni Misipa neni ke Ekapolon ebasi, “Earyo ituŋanan ŋini nyebuni natukot ŋin.”

Ŋikat. 21:8

Tolimut nai ikes iŋitasi temasi, “Eyai mono ituŋanan idio alotooma ŋituŋa a ŋikabilae a Ŋisirael ŋini nyitipeunit Misipa neni ke Ekapolon a?” Aponi toryamunae atemar mam ituŋanan alo Yabes-Gilead ŋini ebunit natukot neni eboikino ŋituŋa.

Ŋikat. 4:6

Akoloŋit apei, abu Debora kiyakiya ŋituŋa anyarare Barak lokoku ka Abinoam alo Kades alotaun a ŋolo ayai nakwap a Naputali, tolimok iŋes tema, “ikilimok iyoŋ Ekapolon Akuj a Ŋisirael ebe, ‘Ya ŋikilyok ŋalipyo ŋatomon ŋulu alokabila a Naputali ka Sebulon lomoru Tabor.

Ŋikat. 5:13

Apotu nai ŋipiya a ŋituŋa a Ekapolon totiyaun, apotu ŋituŋa a Ekapolon potu neni kaŋ etenito akitijiore ŋiketirok.

Ŋikat. 6:11

Apaki ŋin, abu emalaika ŋolo ke Ekapolon bu kiboikin kwap ekuyon ŋolo alo Opura, ŋolo arae ŋolo ka Yoas a ŋolo arae Ebiesarait. Apaki ŋin arami lokoku keŋ Gideon ŋikinyom ŋulu a ŋaganoi aneni acuyere epiini, kiwaite nyiŋolikis Ŋimidian.

Ŋikat. 8:5

Tolimok nai Gideon ŋituŋa a Sukos tema, “Inakisi kareca ŋamugati ŋadi neni a ŋirukitos kaŋ, anerae eupit ikes nooi ka ewuapitae isua Seba ka Salimuna ŋirukitos a Ŋimidian.”

Ŋikat. 8:6

Nai tolimokis ŋikapolok a Sukos Gideon temasi, “Idau iyoŋ akikamun Salimuna ka Seba ikiŋisit isua ŋamugati aŋuna a ŋasigarya kon a?”

Ŋikat. 8:8

Abu Gideon toloto a nen ka ŋirukitos keŋ Penuel, kilip Gideon ŋituŋa a Penuel daŋ ŋamugati ŋadi aŋuna a ŋirukitos keŋ lopite ŋolo elipitor ŋituŋa a Sukos, ido apotu ŋituŋa a Penuel daŋ toboŋokis iŋes lopite ŋolopei aboŋokinitotor ŋituŋa a Sukos.

1 Sam. 17:47

Eyenunete daŋ ŋituŋa lu ŋulu ecunakina ne atemar meere ekileŋ ka akwara eiununia Ekapolon ŋituŋa; anerae erae ejie lo ŋolo ke Ekapolon, ido ikiinakini iŋes iyes napedor kosi.”

1 Sam. 18:17

Tema nai Saul neni a Daudi, “Merab na nakoku kaŋ ŋina apolon, akainakini ayoŋ iyoŋ iŋes kiit; nai kitiyanakinae iyoŋ ayoŋ irae ŋolo ititiny, toji ŋijiesyo alokiro ke Ekapolon.” Atami Saul apaki ŋin ebe, “Mam ŋuna aronok ŋuna etiyakini ayoŋ neni a Daudi. Ŋipilistin earete iŋes.”

1 Sam. 25:28

Ekemaimai ayoŋ iyoŋ ikisyon ayoŋ aketiyan kon ŋuna etiyat eroko; anerae ayeni ayoŋ atemar itoropari Ekapolon apukan kon ekapolon kaŋ aŋuna ijio iyoŋ aŋuna ke Ekapolon. Nyitiya aronis apei daŋ ŋirwa daadaŋ ŋulu iyarya iyoŋ.

1 Sam. 26:19

Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’