Ŋikat. 5:11 - Ebaibul

¹¹ kiirasi ŋitoilon a ŋituŋa a ŋulu eya diyete ŋakare, iseraete ikes a nen akiloun ŋina ke Ekapolon ŋuna elounia, akiloun ŋina elouniata Ŋisirael. Apotu ŋituŋa a Ekapolon totiyaaros lopukei a ŋitaunio kec.

Ŋikat. 5:11 Iomraidhean Croise

Akisy. 24:11

Kimyek ŋikaala touryanikin kiŋa etaun diyete akare; apaki ŋin ariŋa akoloŋ nyedoiyoro, esaa ŋolo anaitotor ŋaberu akiok ŋakipi.

Akisy. 29:2

Ani eŋoleŋolekini, kiŋolik akare anariet, auryanete alodiyete akare ŋin ŋisipanin a ŋamesekin ŋiuni; anerae kiruyo ŋisipanin a ŋamesekin nen. Agolokinitoe amoru ŋina apolon nooi nakituk a akare,

Akisy. 29:3

ido kedaut ŋisipanin daadaŋ acunun, alosete ŋikeyokok akikokoriyor amoru anakituk a akare, ido kiruwakis ŋamesekin, kedaut akiruu, kikokorikis amoru nakituk a akare.

Yob 29:7

Apaki ŋin, alosenene ayoŋ lokokwa a ŋikasikou ŋolo eboiyonokin lopuke ŋolo ke etaun, ido ayakar ayoŋ akibois kaŋ ŋina eboiyonokin analapatu a ŋina ke etaun.

Ŋikiru. 145:7

Iseraete ikes ŋuna ka ajokis kon a ŋina apolon nooi. eikinete ecelasi nooi aŋuna ka akiyookino kon.

Ŋikiru. 71:15

Eserae ayoŋ lotuŋa ŋiticisyo kon ŋulu ka akiyookino, eserae ayoŋ apaaran jwii ŋuna ikiunia iyoŋ isua, tari pa kayeni ayoŋ epite ŋolokiseraet.

Isa. 12:3

“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

Isa. 28:6

einakini etau ŋolotubet ŋakiro anakiyookino neni a ŋini etubi ŋakiro ka agogoŋu neni a ŋulu ebwaŋete ŋimoe alopuke apaki ŋina ke ejie.

Yer. 7:2

“Towo alopuke a ŋolo ka Akai ke Ekapolon, kiserau a nen ŋakiro nu tema, ‘Kiirasi ŋakiro a Ekapolon iyes ŋituŋa a Yudaya, iyes ŋulu ilomanarete alopuke alo akilip neni ke Ekapolon.’

Aum. 5:4

Ikireikin isua akigyel ŋakipi ŋuna emasyo, ikireikin isua akigyel ŋakito ŋuna inokyo.

Aum. 5:9

Ejalitae isua akiyar kosi iwaritae akimuj, anerae eyakasi ŋimoe kosi neni daadaŋ eyai akimuj anariet.

Mika 6:5

Ŋikaatuŋa, totamutu ŋakiro ŋuna abu erwosit ŋolo a Moab ŋolo anyaritae Balak totuk akitiya neni kus, ka ŋuna abu Balaam lokoku a Beor toboŋok Balak. Totamutu ŋakiro ŋuna apotu kitiyakin neni kus alorot ameun alo Sitim tari Giligal. Totamutu ŋakiro ŋun, ikotere iyenunete ŋuna abu ayoŋ etiya aŋuna ka aiun iyes.”

Ŋikis. 22:24

emaikina iyes yaut ikes daadaŋ ŋiarei lopuke ŋolo ke etaun a ŋol, tocaka ikes a ŋamoru toara. Earyo apese, anerae abu iŋes nyiworou ikotere eiunete iŋes ŋituŋa a ŋulu ke etaun, earyo ekile, anerae abu iŋes kiryamakinos ka apese a ekidunyet keŋ. Aŋun, ilemarete iyes aronis alokidiŋ kus.

Ŋikis. 33:21

Apotu ŋituŋa a ekabila a Gad toryamut akwap ŋina ajokan aŋuna kec aponi tokorakinae ikes atutubet ŋina a ŋikarikok, apotu ŋituŋa a ekabila a Gad torukut ka ŋikapilak, apotu ikes kitiyata ŋuna eyookino aneni Ekapolon, apotu inakis Ŋisirael akiwuap ŋikisila a Ekapolon.

Ŋikat. 11:40

ŋolo elosyoneniata ŋapesur nariet ŋirwa ŋiomwon a ŋolokaru akigworo etamunito nakoku a Yepesa a ŋolo alo Gilead.

Ŋikat. 5:8

Ani eseunete ŋituŋa akiwuap ŋakujo ŋace, todolu ejie lopukei a ŋitaunio kec. Amam alokilyok a ŋulu arae ŋalipyo ŋatomoniomwon ŋolo ayakar aupal kori akwara.

1 Sam. 12:7

Aŋun, nai tokona, totena, anerae alosi ayoŋ akisileerekin iyes ŋakiro alokiŋaren Ekapolon, ido akalimokini ayoŋ iyes ŋaiununuet daadaŋ, ŋuna abu Ekapolon itoiunia iyes ka toiunia atapapaa kus.