Ŋikat. 4:7 - Ebaibul

⁷ Amodiuni ayoŋ Sisera ekapolokiniton ŋasigarya a Yabin akitijikin iyoŋ anayonae a Kison. Ebuni iŋes ka ŋagaari keŋ ŋuna iritae a ŋaŋolei ka ŋasigarya keŋ, ido epotokini ayoŋ iŋes napedor kon.’ ”

Ŋikat. 4:7 Iomraidhean Croise

1 Ŋirw. 18:40

Tema Eliya neni a ŋituŋa, “Kikamutu ŋikadwarak a Baal, nyimyekis epei daŋ ebucar.” Kikamut nai ŋituŋa ikes; yau Eliya ŋikadwarak ŋul totiyaaror nayonae Kison, ido toar ikes a nen.

Awos. 14:17

Etogogoŋi ayoŋ ŋakyes a Ŋijipitian, tolomasi nanam kiwuapakis Ŋisirael. Eketopoloorete ayoŋ Parao ka ŋasigarya keŋ daadaŋ; ŋikametok ŋagaari keŋ ka ŋikametok ŋaŋolei keŋ.

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 14:8

Abu Ekapolon kitogogoŋ akou a Parao a erwosit a Ijipit kisiwuap iŋes Ŋisirael ŋulu apotu torotokis anakwap keŋ erae ŋikelounak ŋulu alakara.

Awos. 21:13

Nai ani pa kiredakinit iŋes akiar ŋinice, torae atwanare ŋina kitemokinit Akuj, emaikina ituŋanan ŋin tosi nakibois ŋina etemokini ayoŋ Akuj aŋuna keŋ.

Yos. 10:8

Tolimok Ekapolon Yosua tema, “Nyiker ikes. Adau ayoŋ akipotokin ikes neni kon. Mam ipei daŋ alokidiŋ kec ŋini epedori awoikin iyoŋ.”

Yos. 11:20

anerae arae Ekapolon iŋes abu kitogogoŋ ŋakyes kec, ikotere imukekinete akitijiore Ŋisirael, ido tomunyarae jik nyisyoni tari ipei, nai tolemarae jik anakwap lopite ŋolopei ecikitor Ekapolon Moses.

Yos. 11:6

Tolimok nai Ekapolon Yosua tema, “Nyikibul aŋuna kec, anerae moi taparacu ŋisaae lu peilu, epotokini ayoŋ ikes neni a Ŋisirael tomunyarae. Tosodi nai iyoŋ totubutubu ŋamori ŋuna a ŋakejen a ŋaŋolei, ido kicunyak ŋagaari kec.”

Yos. 8:7

emaikina iyes tokuraun aneni iurumikinitotor etaun, kikamasi etaun. Ebuni Ekapolon ŋolo erae Akuj kus ainakin etaun nakan kus.

Ŋikat. 4:14

Tolimok Debora Barak tema, “Ape, anerae erae na akoloŋit ŋina ipotokinio Ekapolon Sisera napedor kon. Kire jik, ikiŋarenikini iyoŋ Ekapolon.” Aŋun abu Barak totiyaun alomoru Tabor ka ŋikilyok ŋulu ajiok ŋalipyo ŋatomon ŋulu ewuapito iŋes.

Ŋikat. 4:8

Tolimok Barak Debora tema, “Alosi ayoŋ erae kikirukori iyoŋ ka ayoŋ nai pa kikirukori iwon, nyalosi ayoŋ.”

Ŋikat. 5:21

apotu ŋikacer kisileleba ayonae Kison kilap, apotu ŋakipi a Kison ŋuna aleleete ipumasi nooi kiwoko ikes. Aŋun, alosi ayoŋ kiŋaren, alosi ayoŋ atitiny.

1 Sam. 24:10

Idau iyoŋ elope nakoloŋit na akiŋolikin epite ŋolo abunio Ekapolon ikipotok iyoŋ neni kaŋ anaturukan; apotu ŋituŋa ŋice temasi ayoŋ toar iyoŋ, nai abu ayoŋ ekeŋarak iyoŋ. Abu ayoŋ otema, ‘Mam nyaari ayoŋ ekapolon kaŋ; anerae Ekapolon iŋes abu kituruwo iŋes erwosit.’

1 Sam. 24:18

Ilimu iyoŋ nakoloŋit na epite ŋolo idaunia iyoŋ akitiya ŋuna ajokak neni kaŋ, anerae ibu iyoŋ nyikiar ayoŋ apaki ŋin ŋina ekepotokinitor ayoŋ Ekapolon neni kon.