Ŋikat. 4:6 - Ebaibul

⁶ Akoloŋit apei, abu Debora kiyakiya ŋituŋa anyarare Barak lokoku ka Abinoam alo Kades alotaun a ŋolo ayai nakwap a Naputali, tolimok iŋes tema, “ikilimok iyoŋ Ekapolon Akuj a Ŋisirael ebe, ‘Ya ŋikilyok ŋalipyo ŋatomon ŋulu alokabila a Naputali ka Sebulon lomoru Tabor.

Ŋikat. 4:6 Iomraidhean Croise

Ŋikiru. 7:6

Okoe Ekapolon, kitoodiu kare ca aŋoit kon; kitoodiu aŋoit kon aŋuna ka aryenyeo a ŋimoe kaŋ. Okoe Akuj kaŋ, bua kiŋarakinae ayoŋ, totub ŋakiro anakiyookino lopite ŋolo icamitor iyoŋ.

Ŋikiru. 89:12

Iyoŋ ibu tosub akwap alowae a ŋolo alo Kuju ka alowae a ŋolo alo Kwap; ipurosi iyoŋ ka alelyanu emoru ŋolo a Tabor ka Erimon lopite ŋolo eotor ŋituŋa neni kon.

Ŋikiru. 89:13

Epol nooi agogoŋu kon, itopolooritae nooi apedor kon.

Yer. 46:18

Ayoŋ Ekapolon, erwosit ŋolo a ŋajoresyo alimu ebe, ‘Ikwapei ayarya ayoŋ, ebunit ipei ŋini ikwaan ka emoru Tabor alokidiŋ ŋimoru ka ŋini ikwaan ka emoru Karimel alodiyete anam.’

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Ŋibur. 11:32

Kapedo ayoŋ alimun ŋuna a ŋikalalak, nai emam ayoŋ apaki ŋina limunet ŋuna a Gideon, ŋuna a Barak, ŋuna a Samsom, ŋuna a Yepesa, ŋuna a Daudi ka ŋuna a Samuel ta ŋuna a ŋikadwarak.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 19:22

Adolit ekukoru kec Tabor ka Saasuma ta Bes-Semes, kisalak Yorodan. Arae ŋul ŋitaunio ŋitomon ka ŋikanikapei ka ŋirerya kec.

Yos. 19:32

Anakilamilam a ŋina a ŋakanikapei, aponi tolimunoe ekiro a ekabila a Naputali a ŋatekerin kec.

Yos. 19:35

Ŋitaunio ŋulu awuato ŋarwatatain ŋuna adukuk nooi ikes lu: Sidim, Ser, Amas, Rakas, Kineres,

Yos. 19:37

Kedec, Eder, En-Asor,

Yos. 21:32

Anakwap a ŋina a ekabila a Naputali, aponi inakinae Kedec alo Galileya, Arae Kedec etaun ŋolo adoonokinete ŋituŋa ŋulu ebucakin akiar ŋuluce, Amos-Dor ka Karitan. Arae ŋul ŋitaunio ŋiuni kaapei ka ŋadakarisinei kec.

Ŋikat. 4:10

Abu Barak tonyarau ŋituŋa a Sebulon ka ŋulu a Naputali alosit Kedec, apotu ŋikilyok ŋulu ajiok ŋalipyo ŋatomon kiwuapakis iŋes, abu Debora daŋ kitipeiyosi kaapei ka ikes lomoru Tabor.

Ŋikat. 5:1

Akoloŋit ŋin apotu Debora ka Barak lokoku ka Abinoam toekis ebasi:

Ŋikat. 6:35

Kiyakiya Gideon ŋituŋa neni a ŋituŋa a Manase daadaŋ, aponi tonyarae ikes daŋ akiwuapakin Gideon. Kiyakiya daŋ Gideon ŋituŋa neni a ŋituŋa ka Aser, a Sebulon ka Naputali, apotu ŋul daŋ toloto akiryamun ka ŋituŋa ŋulu arukitotor Gideon.

Ŋikat. 8:18

Kiŋit Gideon Salimuna ka Seba tema, “Ataŋae ekwaanatar ŋikilyok ŋulu iarete iyes alo Tabor? ” Toboŋokis ikes temasi, “Ekwaan ikes ka iyoŋ, atakanete ikes esibito ŋidwe a erwosit.”

1 Sam. 10:3

Ilunyar nai iyoŋ a nen kiŋaren, todol lokuyon ŋolo eyai Tabor; ido iryamun iyoŋ nen ka ŋikilyok ŋiuni ŋulu elosete Besel neni ka Akuj. Edakit epei ŋikaalei ŋiuni, edakit ŋolo a ŋiarei ŋamugati ŋauni, ido ŋolo a ŋiuni edakit ecwee ŋolo ke epiini.

1 Sam. 12:11

Abu nai Ekapolon kiyakiu Yerubaal, Barak, Yepesa ka Samuson, ido apotu ikes itoiut iyes anapedor a ŋimoe kus alowaetin a akwap kus a daadaŋ, ido kiboiyoto emam ŋace.