Ŋikat. 4:3 - Ebaibul

³ Apotu nai Ŋisirael kigworokis Ekapolon iŋitasi akiŋarakino, anerae ayakar Yabin ŋagaari ŋuna etiyaunitae a ŋasuwa ŋuna eritae a ŋaŋolei ŋamiae ŋakanikaomwon, ido abu kisican Ŋisirael neni aronon ya ŋikaru ŋatomoniarei.

Ŋikat. 4:3 Iomraidhean Croise

Ŋikiru. 106:42

Apotu ŋimoe kec totiŋa ikes neni aronon, toreikis ikes akiwuap acamit kec.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 78:34

Apaki daadaŋ ŋina earya Akuj ŋice kec, aminasi ŋuluce aponenen neni ka Akuj akiŋaranakino, aminasi akienen ŋasecisya kec, potu kilipa Akuj iitanito nooi.

Awos. 2:23

Kelunyar apaki ŋina aoyan, abu erwosit a Ijipit totwana. Apaki ŋin, aryebasi Ŋisirael aŋuna ka apitoonut, apotu ikes kikalout, ido anakigworo kec a ŋin, eitanito akiŋarakino ka abu akigworo kec todol neni ka Akuj.

Ŋikis. 28:29

imudumudosi iyes naparan lopite ŋolo imudumudotor ŋimudukanotin, nai nyipedorete iyes aryamun neni kitoro, ido erubakinete ŋituŋa ikibolyatar iyes ka ikikokoyete, emam ituŋanan ŋini ikiŋarakini iyes.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Yos. 17:16

Tolimut ŋituŋa a Yosepu temasi, “Edidiŋ aŋuna kosi akwap ŋina a ŋikamukumukui ŋin ka nabo Ŋikanaani daadaŋ ŋulu elomito nadipoe, eyakatar ŋagaari ŋuna a ŋasuwa ŋuna ke ejie; tari ŋulu alo Bes-Can ka ŋirerya keŋ kaapei ka ŋulu anakadipaalat Yesireel ikote nenipei.”

Ŋikat. 1:19

Arukito Ekapolon ka ŋituŋa a Yuda, apotu ikes kikamasi akwap ŋina a ŋikamukumukui, nai apotu nyepedosi akiritar ŋituŋa ŋulu eboiyete anadipoe a ŋikamukumukui, anerae ayakatar ŋul ŋagaari ŋuna ametae a ŋaŋolei ŋuna etiyaunitae a ŋasuwa.

Ŋikat. 10:10

Aŋun, apotu Ŋisirael kigworokis Ekapolon temasi, “Ikisec isua alokiŋaren kon aŋuna aŋerere isua Akuj kosi, ido alosi akilip neni ata Baal.”

Ŋikat. 10:16

Aŋun, apotu Ŋisirael kimasanasi aneni aya ikes ŋitorubei a ŋakujo a ŋunagelae, kilipa neni ke Ekapolon, ido abu Ekapolon tojoŋo akidaŋidaŋ akitere Ŋisirael eryamunito ŋican.

Ŋikat. 3:15

Nai ani igworokinete Ŋisirael Ekapolon, abu Ekapolon toseu aŋuna kec ekalakunan, iŋes Eud lokoku a Gera, ŋolo alokabila a Benjamin, arae iŋes ekile ŋolo akedyenyana. Apotu Ŋisirael kiyakiyasi iŋes akiya ocur kec neni a erwosit Egilon ŋolo a Ŋimoabi.

Ŋikat. 3:9

Nai apaki ŋina egworokinioto Ŋisirael Ekapolon, abu Ekapolon toseu ekaiunan a Ŋisirael, ŋolo abu toiu ikes; iŋes Osiniel lokoku a Kenas, lokaato keŋ a Kaleb ŋolo cici.

Ŋikat. 4:13

abu Sisera tolimu atemar yaunae ŋagaari keŋ daadaŋ ŋuna ke ejie ŋamiae ŋakanikaomwon ka apei ka ŋasigarya daadaŋ ŋuna arukitotor iŋes alo Aroses-Agoim, kiyakiya iŋes ŋasigarya ŋun nayonae Kison.

Ŋikat. 4:4

Apaki ŋin arae akadwaran Debora aberu ka Lapidos akatubon ŋakiro alo Isirael.

Ŋikat. 5:8

Ani eseunete ŋituŋa akiwuap ŋakujo ŋace, todolu ejie lopukei a ŋitaunio kec. Amam alokilyok a ŋulu arae ŋalipyo ŋatomoniomwon ŋolo ayakar aupal kori akwara.

Ŋikat. 6:6

Aŋun apotu Ŋisirael topapanut aŋuna esicaniata Ŋimidian ikes. Apotu Ŋisirael kigworokis Ekapolon akiŋarakino.

1 Sam. 7:8

Temasi Ŋisirael neni a Samuel, “Nyijoŋ akigworonokin Ekapolon Akuj yok aŋuna yok, ido kilip ikotere itoiu iŋes iwon anakan a Ŋipilistin.”