Ŋikat. 3:9 - Ebaibul

⁹ Nai apaki ŋina egworokinioto Ŋisirael Ekapolon, abu Ekapolon toseu ekaiunan a Ŋisirael, ŋolo abu toiu ikes; iŋes Osiniel lokoku a Kenas, lokaato keŋ a Kaleb ŋolo cici.

Ŋikat. 3:9 Iomraidhean Croise

Neem. 9:27

Aŋun, ibu iyoŋ kipotok ikes napedor a ŋimoe kec, ŋulu apotu kiteryamut ikes ŋican. Tosodi anapaki a ŋina ayakatar ikes locan, apotu ikes ikigworokis iyoŋ ka ibu iyoŋ kiira akigworo kec anakuj, alotooma akisyon kon ŋina apolon, ibu iyoŋ inak ikes ŋikaiunak ŋulu apotu toiut ikes anapedor a ŋimoe kec.

Ŋikiru. 22:5

Apotu ikes ikikaloikis iyoŋ, ido ibu iyoŋ toiu ikes; apotu ikes ikikinyoma iyoŋ, ido aponi nyisirumi ikes ŋileec.

Ŋikiru. 78:34

Apaki daadaŋ ŋina earya Akuj ŋice kec, aminasi ŋuluce aponenen neni ka Akuj akiŋaranakino, aminasi akienen ŋasecisya kec, potu kilipa Akuj iitanito nooi.

Yos. 15:17

Abu Osiniel lokoku a Kenas alokaato keŋ a Kaleb kikama etaun ŋol. Tosodi nai Kaleb inak Osiniel nakoku keŋ Acisa toruwor aberu keŋ.

Ŋikat. 1:13

Abu nai Osiniel lokoku a Kenas alokaato keŋ a Kaleb ŋolo cici kikama etaun Debir, ido abu Kaleb inak iŋes nakoku keŋ Acisa toruwor aberu keŋ.

Ŋikat. 10:10

Aŋun, apotu Ŋisirael kigworokis Ekapolon temasi, “Ikisec isua alokiŋaren kon aŋuna aŋerere isua Akuj kosi, ido alosi akilip neni ata Baal.”

Ŋikat. 2:16

Abu nai Ekapolon toseu ŋikatubok ŋakiro, ŋulu apotu toiut Ŋisirael anapedor a ŋimoe kec a ŋulu aŋasete ŋiboro kec.

Ŋikat. 2:18

Apaki daadaŋ ŋina eseunia Ekapolon ŋikatubok ŋakiro aŋuna kec, arukito Ekapolon ka ekatubon ŋakiro apaki ŋin ka abu Ekapolon toiu ikes alomoe kec ŋirwa daadaŋ ŋulu eyarya ekatubon ŋakiro ŋol, anerae esyoniyenene Ekapolon ikes anaumen kec aŋuna a ŋimoe a ŋulu aarete ka esicanito ikes.

Ŋikat. 3:15

Nai ani igworokinete Ŋisirael Ekapolon, abu Ekapolon toseu aŋuna kec ekalakunan, iŋes Eud lokoku a Gera, ŋolo alokabila a Benjamin, arae iŋes ekile ŋolo akedyenyana. Apotu Ŋisirael kiyakiyasi iŋes akiya ocur kec neni a erwosit Egilon ŋolo a Ŋimoabi.

Ŋikat. 3:8

Aŋun, abu Ekapolon toŋoik Ŋisirael nooi, ido kipotok ikes neni a erwosit a Kusan-Risasaim ŋolo ka Aram-Naaraim; apotu Ŋisirael kitiyanakis Kusan-Risasaim ŋikaru ŋikanikauni.

Ŋikat. 4:3

Apotu nai Ŋisirael kigworokis Ekapolon iŋitasi akiŋarakino, anerae ayakar Yabin ŋagaari ŋuna etiyaunitae a ŋasuwa ŋuna eritae a ŋaŋolei ŋamiae ŋakanikaomwon, ido abu kisican Ŋisirael neni aronon ya ŋikaru ŋatomoniarei.

Ŋikat. 6:7

Ani igworokinete Ŋisirael Ekapolon aŋuna esicaniata Ŋimidian ikes,

1 Sam. 12:10

Apotu nai ikes kikalout neni ke Ekapolon temasi, ‘Ikisec isua, anerae aŋeri Ekapolon, ido alomakin akitiyanakin ata Baal ka ata Asitarite; nai toiunae isua tokona anapedor a ŋimoe kosi, ido ikitiyanakini isua iyoŋ.’