Ŋikat. 3:8 - Ebaibul

⁸ Aŋun, abu Ekapolon toŋoik Ŋisirael nooi, ido kipotok ikes neni a erwosit a Kusan-Risasaim ŋolo ka Aram-Naaraim; apotu Ŋisirael kitiyanakis Kusan-Risasaim ŋikaru ŋikanikauni.

Ŋikat. 3:8 Iomraidhean Croise

Akisy. 24:10

Torotok nai eketiyan ŋol, tomyaa ŋikaala a ekapolon keŋ ŋitomon; ya daŋ aneni a ekapolon keŋ ŋainakineta ŋuna ajokak ŋuna agelegelya; torotok tolot Aramanaraim lotaun a Naor.

Ŋikiru. 106:41

Abu Akuj kipotok ikes napedor a ŋituŋa a ŋakwapin, ikotere ŋulu sek aremokino ikes ipukaete ikes.

Ŋikiru. 129:1

Emaikina Isirael tema, “Eketijioto ikes ayoŋ ŋinapei anasoroko kaŋ,

Ŋikiru. 44:12

Igyela iyoŋ ŋituŋa kon a egyelit a ŋolo edit, mam ibore iryamu iyoŋ anagyelar ikes.

Ŋikiru. 6:1

Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon.

Ŋikiru. 85:3

Idau iyoŋ ajoŋore anyunyura neni a ŋituŋa kon; ijoŋo iyoŋ aŋoikinit ŋituŋa kon a adedeŋu.

Awos. 22:24

aŋoi ayoŋ nooi, akamunyari iyes ke ekileŋ, toruworos ŋaberu kus ŋapuseru ka toruworos ŋidwe kus ŋikokyok.

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Ŋilep. 26:17

Akaŋoikini ayoŋ iyes, ido ikireunete iyes ŋimoe kus; ikipukaete iyes ŋituŋa ŋulu imanito iyes, ido ibwaŋasi iyes tari kemam ŋini ikirisit.

Abak. 3:7

Abu ayoŋ eŋolik ŋituŋa a Kuc eyakatar akuryanu, abu eŋolik Ŋimidian ebulit emaranete.

Ŋirom. 7:14

Ikiyeni iwon atemar erae Ŋikisila ŋulu eponito aneni ka Akuj, nai arae ayoŋ ituŋanan ŋini apalag ŋini akagyelaritae nasecit arae epito.

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Ŋikat. 2:14

Aŋun, abu Ekapolon toŋoik Ŋisirael, kimyek ŋikaŋatak ŋulu apotu toŋatasi ŋiboro kec, abu Ekapolon kipotok ikes neni a ŋimoe kec a ŋulu eboiyete alowaetin a akwap kec daadaŋ, ikotere nyepedosi nabo ikes akiloun ŋimoe kec.

Ŋikat. 2:20

Aŋun, abu Ekapolon toŋoik ikes, tosodi tema, “Aŋuna aŋeryoto ŋituŋa lu acamunet kaŋ ŋina abu ayoŋ ecik atapapaa kec akiwuap ka aŋuna aŋeryoto akiwuap ŋakiro kaŋ,

Ŋikat. 3:10

Abu etau ŋolo ke Ekapolon min neni ka Osiniel, toruwor iŋes ekatubon ŋakiro alo Isirael, abu tolot lojie, ido abu Ekapolon kipotok erwosit Kusan-Risasaim ŋolo ka Aram napedor ka Osiniel, abu iŋes kilou Kusan-Risasaim.

Ŋikat. 3:7

Apotu Ŋisirael kitiyata ŋakiro ŋuna aronok nooi aneni ke Ekapolon, kimuryak ikes Ekapolon Akuj kec ka kilipa neni ata Baal ka neni ata Asera.

Ŋikat. 3:9

Nai apaki ŋina egworokinioto Ŋisirael Ekapolon, abu Ekapolon toseu ekaiunan a Ŋisirael, ŋolo abu toiu ikes; iŋes Osiniel lokoku a Kenas, lokaato keŋ a Kaleb ŋolo cici.

Ŋikat. 4:9

Toboŋok Debora iŋes tema, “Kire ikirukori iwon, nai nyiryamuni iyoŋ apolou, anerae ipotokini Ekapolon Sisera napedor a aberu.” Abu nai Debora torukosi ka Barak, toloto Kades.

1 Sam. 12:9

Nai apotu atapapaa kus toŋero Ekapolon Akuj kec; aŋun, abu Ekapolon kipotok ikes neni a ekile a ŋolo anyaritae Sisera, a ŋolo apolokinit ŋasigarya a erwosit a ŋolo anyaritae Yabin a ŋolo ka Asor. Abu daŋ Ekapolon kipotok ikes neni a Ŋipilistin ka neni a erwosit a Moab; a ŋulu apotu kitijioto ikes.