Ŋikat. 3:7 - Ebaibul

⁷ Apotu Ŋisirael kitiyata ŋakiro ŋuna aronok nooi aneni ke Ekapolon, kimuryak ikes Ekapolon Akuj kec ka kilipa neni ata Baal ka neni ata Asera.

Ŋikat. 3:7 Iomraidhean Croise

1 Ŋirw. 16:33

Kitiyau Aab tari etorube a akuj a ŋina enyaritae Asera, kitiya ŋace ŋuna alalak ŋuna apotu kitoŋoa Ekapolon Akuj a Ŋisirael, kitiya iŋes ŋuna aronok nooi akilo ŋuna etiyato ŋirwosi daadaŋ ŋulu epukato Isirael eriŋa iŋes.

1 Ŋirw. 18:19

Aŋun nai, tonyarau tokona ŋituŋa alo Isirael daadaŋ eryamunos ka ayoŋ lomoru Karimel. Yautu daŋ ŋikadwarak a Baal daadaŋ ŋulu erae ŋamiae ŋaomwon ka ŋatomonikan ka ŋikadwarak ka Asera daadaŋ ŋulu erae ŋamiae ŋaomwon, ŋulu eriito ka Yesebel.”

2 Ŋirw. 23:14

Abu Yosia toukono ŋitorubeei a ŋakujo, totubutubu ŋipirin ŋul, kililyaa ŋapanya.

2 Ŋirw. 23:6

Kipud Yosia alo Kai ka Akuj etorube ka akuj a ŋina anyaritae Asera, yau kiŋa Yerusalem, nayonae Kidiron, tosodi kicunyak. Ani irikakin kicakicak toruwor apuwa, ido kieliyelak apuwa ŋin nalyalin a ŋituŋa ca a daadaŋ.

2 Ŋakiro a ŋirwa 15:16

Abu erwosit Asa tolema tari toto keŋ Maaka anaraakau arwosit, anerae kebu toto ka Asa kitiya asiilyo, kitiyau etorube ka akuj a ŋina anyaritae Asera. Abu Asa totubutubok kwap etorube ŋol, kicakicak, ido kicuny ŋanyile anayonae a ŋina enyaritae Kidiron.

2 Ŋakiro a ŋirwa 24:18

Apotu ŋituŋa a Yudaya ka Yerusalem kimyekis Akai a Ekapolon Akuj atapapaa kec, toloto akilip neni a ŋakujo ka lotorubei a akuj a ŋina anyaritae Asera. Abu nai anyunyura ŋina ke Ekapolon bu neni a ŋituŋa a Yudaya ka Yerusalem, aŋuna ka asecit kec a ŋin.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 33:3

Abu Manase toduku nabo ŋakiboisyo nenimukur ŋuna koloŋ abwaŋabwaŋaari papa keŋ Esekia, ŋuna arae ŋakilipet ŋakujo ŋunagelae. Toduku iŋes ŋamuroeta ŋuna elipere Baal. Kitiyau iŋes etorube a akuj a ŋina anyaritae Asera, abu Manase kilip neni a ŋikacer ka abu kitiya aŋuna kec.

2 Ŋakiro a ŋirwa 34:3

Ani edolete ŋikaru ŋulu epukator iŋes ŋikanikauni eriŋa iŋes erae edya, abu iŋes kisyak ayenun ŋuna ka Akuj a papaa keŋ a Daudi. Ani edolete ŋikaru keŋ ŋitomon ka ŋiarei, abu iŋes kisyak amunaanar alo Yudaya ka alo Yerusalem ŋakiboisyo ŋunamukur ŋuna elipere neni a ŋakujo, tomunaana tari ŋitorubei a ŋakujo ŋuluce daadaŋ.

2 Ŋakiro a ŋirwa 34:7

Abu kitiya nu anakwap a Yudaya a daadaŋ, tobwaŋabwaŋaa ŋamuroeta, ŋitorubei ka akuj a ŋina anyaritae Asera, kinyaadi ŋakujo toruwor apuwa ka totubutubu ŋamuroeta ŋuna ecunyere ekinyate anakwap a Isirael a daadaŋ. Ani irikakini, toboŋo Yerusalem.

Ŋikiru. 106:35

Nai apotu ikes kimorikinos ka ŋituŋa a Kanaan, ido apotu kitiyata ŋuna etiyaete ŋituŋa a Kanaan.

Ŋikiru. 106:36

Apotu kilipa neni a ŋakujo a ŋituŋa a ŋul, ibore ŋini abu yau amunyaro kec.

Ŋikiru. 106:7

Ani apaki ŋina ayakatar atapapaa kosi Ijipit, nyemitakina ikes ŋiticisyo kon ŋulu ka aumokin, nyetamuna ikes alalau a amina kon a ŋina nyiryaŋiryaŋa, nai apotu toŋero Akuj ŋina alokidiama nooi apaki ŋina ayakatar diyete anam ŋina Areŋan.

Awos. 34:13

Emaikina iyes tobwaŋabwaŋaasi ŋamuroeta kec ka ŋitorubei ŋulu a ŋakujo kec ta ŋakiboisyo ŋuna iiryamununosi ikes,

Yer. 23:27

Ayeete ikes ŋuna ka akisimuryakin ŋituŋa kaŋ ekiro kaŋ a ŋakirujaeta kec a ŋuna elimonokinosi ikes make, lopite ŋolo aponiata atapapaa kec kisimuryakinos ekiro kaŋ aŋuna a Baal.

Ŋikis. 16:21

Nyidupakis diyete Namuroet ŋina itiyaunete iyes a ŋuna ke Ekapolon Akuj kus apuŋure ŋina italeoritae,

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 8:11

Tocoito nai nyikimuryak Ekapolon Akuj kus, anakimyekin akiwuap ŋakiciketa keŋ, ŋikisila ka ŋakiro keŋ ŋuna etubunit iŋes ŋuna akalimok ayoŋ iyes nakoloŋit na.

Ŋikis. 8:14

nyiturokinosi aŋun, ikimuryak Ekapolon Akuj kus, ŋina ikiyauni iyes anakwap a Ijipit a ŋina iraakatar iyes ŋipi,

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.

Ŋikat. 3:12

Kitiyata nabo Ŋisirael ŋakiro ŋuna aronok alokiŋaren Ekapolon, tosodi Ekapolon kitogogoŋ erwosit Egilon ŋolo a Ŋimoabi, inak iŋes kilou Ŋisirael, anerae apotu Ŋisirael kitiyata ŋuna aronok alokiŋaren Ekapolon.

Ŋikat. 3:8

Aŋun, abu Ekapolon toŋoik Ŋisirael nooi, ido kipotok ikes neni a erwosit a Kusan-Risasaim ŋolo ka Aram-Naaraim; apotu Ŋisirael kitiyanakis Kusan-Risasaim ŋikaru ŋikanikauni.

Ŋikat. 6:25

Akoloŋit ŋin nakwaare, tolimok Ekapolon Gideon tema, “Tolemu emaanik a papa kon ŋolo a ŋiarei ŋolo erae ŋikaru ŋikanikaarei, tolot toritak kwap namuroet a Baal ŋina erae papa kon adukokini, toritak kwap epir ŋolo ke etal ŋolo eyai diyete namuroet ŋin,

Ŋikat. 8:33

Atwanare Gideon bon, toboŋokis nabo Ŋisirael akilip neni ata Baal, kituruwosi Baal-Beris akuj kec.

Ŋikat. 8:34

Apotu Ŋisirael tojoŋoto atamunit Ekapolon Akuj kec ŋolo abu toiu ikes alomoe kec a daadaŋ a ŋulu erikaunito ikes alowaetin a daadaŋ

1 Sam. 12:10

Apotu nai ikes kikalout neni ke Ekapolon temasi, ‘Ikisec isua, anerae aŋeri Ekapolon, ido alomakin akitiyanakin ata Baal ka ata Asitarite; nai toiunae isua tokona anapedor a ŋimoe kosi, ido ikitiyanakini isua iyoŋ.’

1 Sam. 12:9

Nai apotu atapapaa kus toŋero Ekapolon Akuj kec; aŋun, abu Ekapolon kipotok ikes neni a ekile a ŋolo anyaritae Sisera, a ŋolo apolokinit ŋasigarya a erwosit a ŋolo anyaritae Yabin a ŋolo ka Asor. Abu daŋ Ekapolon kipotok ikes neni a Ŋipilistin ka neni a erwosit a Moab; a ŋulu apotu kitijioto ikes.