Ŋikat. 3:27 - Ebaibul

²⁷ Ani edoli iŋes Seira, tokutak arupepe anakwap a ŋina a ŋikamukumukui a ŋina a Epuraim, apotu nai Ŋisirael totiyaaros kaapei ka iŋes anakwap a ŋina a ŋikamukumukui, iŋarenikinit Eud ikes.

Ŋikat. 3:27 Iomraidhean Croise

2 Sam. 20:22

Tolot nai aberu ŋin lotuŋa daadaŋ ŋulu aya lotaun, ayakar iŋes akirot ŋina ka aosou ŋina ayeunit iŋes. Apotu ŋituŋa ŋul totubut akou a Seba alokoku a Biciri, kimasut kiŋa neni a Yoab. Aŋun, abu Yoab tokutak aburereryaŋ a emesek, ido torotokis a nen, kimyekis etaun, toboŋosi ŋituŋa ŋuluce daadaŋ lorerya kec, nai abu Yoab toboŋo Yerusalem neni a erwosit.

2 Ŋirw. 9:13

Apotu ŋikapolok a ŋasigarya daadaŋ ŋulu sek arukito ka Yeu tolacut ŋilowi kec atipei, topetakis neni edokere elomaryo kai, towo Yeu a nen. Tokutakis ikes ŋarupepe tocelut ebasi, “Yeu iŋes erae erwosit!”

Neem. 4:14

Kadau ayoŋ akiŋolikin ŋakiro ŋun daadaŋ, abu ayoŋ owo olimok ŋikapolok, ŋikepukak ka ŋituŋa ŋuluce daadaŋ otema, “Nyikuryaketa aŋuna kec, totamutu Ekapolon ŋolo etiron ka ŋolo ikitubuli, ido tojioto aŋuna a ŋiyeneta kus, aŋuna a ŋidwe kus a ŋulusapa ka aŋuna a ŋidwe kus a ŋulupesur, aŋuna a ŋaberu kus ka aŋuna a ŋirerya kus.”

Yos. 17:15

Toboŋok Yosua ikes tema, “Ani kilalak iyes, toloto namoni kidimut akwap aŋuna kus anakwap a Ŋiperisi ka a Ŋirepaim, anerae edidiŋ aŋuna kus akwap ŋina a ŋikamukumukui ŋina a Epuraim.”

Yos. 17:18

nai eruwor akwap ŋina a ŋikamukumukui daŋ ŋina kus. Erae akwap ŋin amoni, kidimutu iŋes. Eruwor iŋes daadaŋ ŋina kus. Kire, iritarete iyes Ŋikanaani tari daŋ kegogoŋ nooi ka keyakatar ŋagaari ŋuna a ŋasuwa.”

Ŋikat. 10:1

Ekaku ka Abimelek bu Tola lokoku a Pua a ŋolo arae lokoku a Dodo toiu Ŋisirael, arae iŋes ekile ŋolo abunit alokabila a ŋituŋa a Isakar. Eboi iŋes alo Samir anakwap a ŋina a ŋikamukumukui a ŋina a Epuraim.

Ŋikat. 17:1

Ayai koloŋ ekile ece nakwap ŋina a ŋikamukumukui ŋina ke Epuraim, anyaritae ekiro keŋ Mika.

Ŋikat. 19:1

Alorwa a ŋul, apaki ŋina amamukar erwosit alo Isirael, abu ekile ece ŋolo alokabila a Lepi, ŋolo eboi aneni ewasi nooi anakwap a ŋina a ŋikamukumukui a ŋina a Epuraim. Ya aberu ŋina pa eisitae alo Betelem alotaun a ŋolo ayai Yudaya.

Ŋikat. 3:26

Ani eriŋa ŋiketiyak a erwosit nyeboŋuno neni a erwosit abu Eud tosi kitor neni a ŋitorubei a ŋakujo tosi Seira.

Ŋikat. 5:14

Apotu ikes torotokis alo Epuraim totiyaar nakadipaalat, apotu ŋituŋa a ekabila a Benjamin kaapei ka ŋiyeneta kec kiŋarenikis ikes, apotu ŋikarikok ŋajorei potu alo Makir, ido apotu ŋikapolok potu alo Sebulon,

Ŋikat. 6:34

Nai abu Etau ŋolo ke Ekapolon min neni a Gideon, ido tokutak Gideon amomwara a emesek, tonyaraunae ŋituŋa ŋulu ka Abieser akiwuapakin iŋes.

Ŋikat. 7:24

Kiyakiya nai Gideon ŋituŋa lowaetin daadaŋ a akwap a ŋina a ŋikamukumukui a ŋina a Epuraim tema, “Totiyaunos etijikis Ŋimidian. Ekamasi neni eya ŋakipi daadaŋ ka akitodol tari Bes-Bara ka Yorodan daŋ.” Aŋun, aponi tonyaraunae ŋikilyok ŋulu a ekabila a Epuraim daadaŋ, kikamasi ikes neni aya ŋakipi aŋolol daadaŋ akitodol Bes-Bara ka Yorodan daŋ.

1 Sam. 13:3

Apeikoloŋit, kitijik Yonasan Ŋipilistin ŋulu ayakasi Geba, kiirasi Ŋipilistin ŋakiro ŋun. Tolimok nai Saul ŋituŋa tokutakis anakwap a Isirael a daadaŋ ŋabureryaŋa a ŋimeesekin, alimokin ŋituŋa ebe, “Itemokino Ŋiburaniyae kiirasi ŋakiro a Saul.”