Ŋikat. 3:23 - Ebaibul

²³ Abu nai Eud toloma kiŋa lobarasan, togolok ŋikekya a etem a ŋolo alokidiama a ŋolo ayai erwosit Egilon.

Ŋikat. 3:23 Iomraidhean Croise

2 Sam. 13:18

Aŋun, abu eketiyan ka Aminon kirita Tamar kiŋa, ido togolok epuke keloma iŋes kiŋa. (Apaki ŋin, anapit Tamar ekaaso ŋolo aoyan a ŋakan, anerae arae ŋol epite ŋolo anapitotor ŋidwe a ŋirwosi ŋulupesur ŋulu nyiryamakina ka ŋikilyok.)

Ŋikat. 3:20

Toapiya nai Eud diyete erwosit, apaki ŋin eboi erwosit bon alotem keŋ a ŋolo alilimon a ŋolo ayai kidiama akai keŋ. Tolimok Eud erwosit tema, “Ayakar ayoŋ akirot aneni ka Akuj aŋuna kon.” Aŋun, tonyou erwosit alokicoloŋ keŋ.

Ŋikat. 3:22

toloma tari agulep a ekileŋ tooma nakook a Egilon, torapuwa asepwae ekileŋ, anerae abu Eud nyeut ekileŋ anakook ka Egilon. Kiropu ekileŋ alokaku keŋ.

Ŋikat. 3:24

Ani kedau Eud alosit, toboŋut ŋiketiyak a erwosit. Ani iŋolikinete ikes egolol ŋikekya a etem a ŋolo eboiyo erwosit temasi, “Elosit tokona erwosit akiŋarakin aiwadio alotem a ŋolo alilimon.”