Ŋikat. 21:1 - Ebaibul

¹ Kepotu Ŋisirael kikoŋo alo Misipa ebe, “Mam ituŋanan alokidiŋ yok emaikina inak nakoku keŋ kiita ŋikilyok a ekabila a Benjamin.”

Ŋikat. 21:1 Iomraidhean Croise

Ekal. 5:2

Nyikirikirak akirworo, kori nyicamak etau kon kikirikirak akiikin akirot alokiŋaren Akuj, anerae eyai Akuj nakuj ka iyai iyoŋ nakwap; aŋun, emaikina ŋakiro ŋuna ilimuni iyoŋ ekudyoko.

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Yer. 40:6

Abu nai Yeremia tolot Mesipi neni a Gedalia alokoku ka Aikam, kiboiyoto ka iŋes kaapei ka ŋituŋa ŋulu aponi kimyekinae anakwap a Yudaya.

Mar. 6:23

Kikoŋ iŋes tema, “Ŋinibore daadaŋ icamit iyoŋ, akainakini, tari kerae atyaket ŋina ke ebuku kaŋ.”

Ŋitic. 23:12

Ani taparacu, kiryamiryama Ŋiyudayan ŋice. Kikoŋo atemar nyikimuji kori nyikimasi idiobore akitodol ŋina earyata Paulo.

Ŋirom. 10:2

Apedori ayoŋ aruwor esuuda kec atemar erae ikes ŋulu elelakinito anupit Akuj. Nai ibatara alelakinit kec.

Ŋikat. 20:1

Apotu nai Ŋisirael daadaŋ ameun alo Dan tari Bee-Seba akitodol Gilead, tocunakin daadaŋ kiŋaren Ekapolon nakibois apei alo Misipa.

Ŋikat. 20:10

Alotooma ŋituŋa amiat earyo ŋituŋa ŋitomon alokabilae a daadaŋ a ŋulu a Ŋisirael, eseunio alotooma ŋituŋa aliput earyo ŋituŋa amiat ka alotooma ŋalipyo ŋatomon earyo ŋituŋa aliput, aŋuna ka akiwok akimuj a ŋasigarya a ŋuna elosete akinyaŋar ŋakiro a ŋituŋa a Gibea a etaun a ŋolo a Benjamin, ŋakiro daadaŋ ŋuna ka akapil a ŋina apotu ikes kitiyata alo Isirael.”

Ŋikat. 20:48

Apaki ŋin, toboŋosi Ŋisirael neni aya ŋituŋa a ekabila a Benjamin, toara a ekileŋ ŋituŋa ŋulu eboiyete alotaun, ŋibaren ka ibore daadaŋ ŋini edoŋit, kicunyakis tari ŋitaunio ŋulu ariŋa nyicunya.

Ŋikat. 20:8

Tonyout ŋituŋa daadaŋ ecamuna temasi, “Nyikilosi isua daadaŋ loeemae kosi, mam tari ipei daŋ alokidiŋ kosi ŋini eboŋori kai keŋ.

Ŋikat. 21:18

Kikote neni daŋ, nyepedoryo iwon ainakin ŋidwe yok ŋulupesur neni kec toruwor ŋaberu kec.” Alimunete ikes ŋun, anerae ekoŋito Ŋisirael ebe, “Ilamam ituŋanan ŋini eini nakoku keŋ kiita ŋikilyok a ekabila a Benjamin.”

Ŋikat. 21:22

Ani kepotu atapapa kec, kori ŋikaitotoi kec akibura neni kosi elimokinio isua ikes ebe; ‘Torimaaketa, kimyekinae ikes yaasi ŋidwe kus ŋulupesur, anerae nyikamakina isua ikes ŋaberu alojie. Aŋun, nyiyakaunotor iyes ekaile aŋuna ka asecit, anerae nyeinakina iyes ŋidwe kus ŋulupesur neni kec.’ ”

Ŋikat. 21:5

Temasi nai Ŋisirael, “Ŋituŋa a ekabila ka ali alokabilae a daadaŋ a ŋulu a Ŋisirael nyeponito natukot aŋuna ke Ekapolon?” Eŋitasi ikes ŋun, anerae kepotu ikes kikoŋo aŋuna a ŋinituŋanan nyebuni Misipa neni ke Ekapolon ebasi, “Earyo ituŋanan ŋini nyebuni natukot ŋin.”

Ŋikat. 21:7

Alipite eryamikinere iwon ŋikilyok a ekabila a Benjamin ŋulu idoŋito ŋaberu, anerae adaun iwon akikoŋ alokiro a Ekapolon atemar nyeinakinio iwon ŋidwe yok ŋulupesur neni kec aruwor ŋaberu kec?”

1 Sam. 14:24

Apotu Ŋisirael toŋoa akoloŋit ŋin, anerae abu Saul kikirikirak alimun ŋicen alokiro a Ŋisirael tema, “Icenen ituŋanan daadaŋ ŋini imuji nakoloŋit na eriŋa nyedolo ataboŋ, eriŋa ayoŋ aari ŋimoe kaŋ akinyaŋia ŋuna etiyato ikes neni yok.” Aŋun, mam Ŋisirael ŋul ipei daŋ ŋini abu kiir akimuj.