Ŋikat. 20:25 - Ebaibul

²⁵ Tolomut ŋituŋa a ekabila a Benjamin alo Gibea akitijikin Ŋisirael akitijikinet ŋina a ŋaarei, toara ikes apaki ŋin Ŋisirael ŋalipyo ŋatomon ka ŋakanikauni, ŋikilyok ŋulu ayakatar ŋiboro ŋulu ke ejie.

Ŋikat. 20:25 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Akisy. 49:27

Ikokini Benjamin ededeŋ epeot, taparacu enyami iŋes ibore ŋini eari, ani eboŋ, totyakatyaka ibore ŋini eŋatunit.”

Ŋikiru. 97:2

Eyakasi nawaetin keŋ ŋidouwon ka akiryonut ŋina iryono cuc ipukat iŋes alotooma akiyookino ka ŋuna a kire.

Osea 10:9

Okoe Isirael, ŋinapei alorwa a ŋulu iyakatar iyes Gibea, irubakis iyes iseceneneete. Nyikirukauni mono iyes ejie, iyes ŋulu itiyaete aronis alo Gibea a?

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

Ŋirom. 3:5

Nai ani kitoodiunito ŋuna aronok ŋuna ikitiyae iwon akiyookino ŋina ka Akuj, ikitemari iwon ai? Ikitemari mono nyiyookino Akuj aŋuna ikisicania iwon aŋuna a ŋiticisyo yok a ŋulu aronok a? (Erworo ayoŋ nu lopite ŋolo a ŋituŋa)

Ŋikat. 20:21

Tolomut ŋituŋa a ekabila a Benjamin alo Gibea toara akoloŋit ŋin Ŋisirael ŋalipyo ŋatomoniarei ka ŋaarei.

Ŋikat. 20:24

Aŋun, apotu Ŋisirael toloto akitijikin ŋituŋa a ekabila a Benjamin akitijikinet ŋina a ŋaarei.

Ŋikat. 20:26

Toloto nabo Ŋisirael daadaŋ Besel kigworo neni ke Ekapolon iboiyete a nen, kiredakis akiron akoloŋit ŋin akitodol eboŋ. Inanakis nai alo kiŋaren Ekapolon ŋainakineta ŋuna epeyo ka ŋamuronisya ŋuna ke ekisil.