Ŋikat. 2:7 - Ebaibul

⁷ Kilipa ŋituŋa neni ka Akuj ŋirwa ŋulu a akiyar a Yosua daadaŋ ka ŋirwa ŋulu ayaryata ŋikasikou ŋulu apotu torubakis eyarete ekaku atwanare a Yosua, ŋikasikou ŋulu apotu kiŋolikis a ŋakonyen kec ŋiticisyo ŋulu apolok daadaŋ ŋulu abu Ekapolon kitiya aŋuna a Ŋisirael.

Ŋikat. 2:7 Iomraidhean Croise

2 Ŋirw. 12:2

Anakiyar keŋ a daadaŋ, abu Yoas kitiya ŋuna etalakarito Ekapolon, anerae aris Yeoida ŋolo arae esacaradoti kitatam iŋes.

2 Ŋakiro a ŋirwa 24:2

Alokaru a daadaŋ a ŋulu ayarya Yeoiyada, abu Yoas kitiya ŋuna etalakarito Ekapolon Akuj.

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Yos. 24:31

Apotu Ŋisirael kitiyanakis Ekapolon ŋirwa daadaŋ ŋulu ayarya Yosua ka ŋulu a ŋikasikou a ŋulu apotu kidoŋo ketwana Yosua, ŋikasikou ŋulu ayenete ŋakiro daadaŋ ŋuna ajokak ŋuna etiyat Ekapolon neni a Ŋisirael.

Ŋikat. 2:17

Kikote neni daŋ, apotu Ŋisirael nyiirasi tari ŋakiro a ŋikatubok ŋakiro kec, anerae agogoŋ ekibure kec ŋolo ka akiwuap ŋakujo ka akilip neni a ŋakujo a ŋun. Apotu ikes atipei toŋero ŋuna sek ewuapito atapapaa kec ŋulu apotu kiwuapa ŋakiciketa a Ekapolon, nyiwuapa Ŋisirael ŋuna ewuapito atapapaa kec.

Ŋikat. 2:6

Ani kedau Yosua akitorotokin ŋituŋa, apotu Ŋisirael daadaŋ toboŋonosi a ŋolokabila nakwap ŋina akorakinitae ikes.

Ŋikat. 2:8

Abu nai Yosua lokoku a Nun, ŋolo arae eketiyan a Ekapolon totwan, arae ŋikaru keŋ amiat ka ŋitomon.